علم تجويد کي عظمت

ايسے اصول و آداب اور اس طرح کے شرائط و قوانين کو پيش نظر رکھنے کے بعد پہلا خيال يہي پيدا ھوتا ھے کہ انسان ايسي زبان کو حاصل ھي کيوں کرے جس ميں اس طرح کے قواعد ھوں اورجس کے استعمال کے لئے غير معمولي اور غير ضروري زحمت کا سامنا کرنا پڑے ليکن يہ خيال بالکل غلط ھے - ايک غير مسلم تو يہ بات سوچ بھي سکتا ھے مگر مسلمان کے امکان ميں يہ بالکل نھيں ھے - مسلمان کي اپني کتاب اور اس کا دستور زندگي عربي ميں ھي نازل ھوا ھے- اس کي دنيا و آخرت کا پيغام عربي زبان ھي ميں ھے اور وہ دستور ، قانون زندگي ھونے کے علاوہ رسول اکرم صلي اللہ عليہ وآلہ و سلم  کا معجزہ اور اس کي برتري کي دليل بھي ھے - اب اگر اس کتاب کو نظر انداز کر ديا گيا تو اسلام کا امتياز ھي کيا رھے گا اور رسالت پيغمبر اسلام (ص) کو ثابت کرنے کا وسيلہ کيا ھوگا -

يہ ناممکن ھے کہ کوئي شخص اس کے ماننے والوں ميں شمار ھو اور اس کي طرف سے بے توجہ ھو جائے - لھذا جب توجہ کرے گا تو تلاوت کرنا ھو گي اور جب تلاوت کي منزل ميں آئے گا تو ان تمام اصول و آداب کو سيکھنا پڑے گا جن سے زبان کا حسن و امتياز ظاھر ھوتا ھے -

قرآن مجيد تو خود بھي ترتيل وغيرہ کا حکم ديتا ھے جس سے يہ معلوم ھوتا ھے کہ وہ بھر طور تلاوت کرا کے اپنے حسن کو پامال نھيں کرانا چاھتا اور اس کا منشاء يھي ھے کہ اس کي تلاوت کي جائے تو انھيں شرائط و آداب کے ساتھ جن سے اس کي عظمت اور اس کا حسن وابستہ ھے-

 زبان کا عربي رہ جانا بھي اس بات پر موقوف ھے کہ اس کے آداب و شرائط کا لحاظ رکھا جائے اور اس ميں کوئي ترميم اور تبديلي نہ کي جائے - جس کے بعد يہ کہنا بھي صحيح ھے کہ علم تجويد اپني تفصيلات کے ساتھ نہ سھي ليکن ايک مقدار تک واجب ضرور ھے اور اس کے بغير نماز کي صحت مشکل ھے اور نماز ھي کي قبوليت پر سارے اعمال کي قبوليت کا دارومدار ھے- اب اگر کوئي شخص تجويد کے ضروري قواعد کو نظر انداز کر ديتا ھے تو قرات قرآن کي طرح نماز کو بھي برباد کرتا ھے اور جو نماز کو برباد کرتا ھے، اس کے سارے اعمال کي قبوليت پر سواليہ نشان لگ جاتا ھے اور يھي علم تجويد کي عظمت و برتري کي بھترين دليل ھے-

ahlulbaytportal

متعلقہ تحريريں:

کيوں بعض قرآني آيات متشابہ ہيں؟

کيا بسم اللہ تمام سوروں کا جز ہے؟