استاد محمد جعفر طبسي کے ساتھ ابنا کي خصوصي گفتگو

شوال کي آٹھ تاريخ ، تاريخ اسلام کے ايک المناک واقعے کي ياد دلاتي ہے- وہ المناک واقعہ جو سعودي عرب ميں آل سعود کي حکومت کے بر سر اقتدار آنے کے بعد آٹھ شوال سن 1344ھ کو وجود ميں لايا گيا اور وہابي ملاوں کے فتووں سے بقيع ميں اہل بيت پيغمبر اکرم(ص) کے روضے کو منہدم کر ديا گيا-

جنت البقيع ميں مدفون ائمہ طاہرين(ع) کون سي ذوات مقدسہ ہيں؟/ بقيع کي قبور پر روضہ پہلي بار کب تعمير کيا گيا تھا؟/ کيا گزشتہ صديوں ميں مسلمان اور علمائے اہلسنت بقيع ميں بنے روضے پر معترض تھے؟/ بعض کا کہنا ہے کہ اہلبيت (ع) چونکہ مسلمانوں اور شيعوں کے دلوں ميں جگہ رکھتے ہيں ان کے روضوں کو منہدم کردينے سے کوئي فرق نہيں پڑتا؟

حجۃ الاسلام و المسلمين استاد محمد جعفر مروجي طبسي نے ابنا کے ساتھ گفتگو ميں  بيسوي صدي عيسوي کے اس دردناک ترين حادثہ کے مختلف زاويوں پر روشني ڈالي ہے-

 

ابنا: برائے مہرباني ابتداءً قبرستان بقيع کے تاريخچہ کي طرف مختصر اشارہ کيجئے-

 

ــ بسم الله الرحمن الرحيم. الحمدلله رب العالمين و صلي الله علي سيدنا و نبينا ابي القاسم محمد و علي اهل بيته الطيبين الطاهرين الذين اذهب الله عنهم الرجس و طهرهم تطهيراً.

بقيع حرم نبوي (ص) کے بعد مدينہ کا اہم ترين اور افضل ترين مقام ہے- بقيع کا قبرستان سب سے پہلا وہ قبرستان ہے جو رسول اسلام (ص) کے حکم سے مسلمانوں کے ذريعے تاسيس کيا گيا- بقيع کي اہميت اور فضيلت ميں اتنا ہي کہنا کافي ہے کہ پيغمبر اکرم(ص) نے اس کے بارے ميں فرمايا: ’’بقيع سے ستر ھزار لوگ محشور ہوں گے کہ جن کے چہرے چودہويں کے چاند کي طرح چمک رہے ہوں گے‘‘-

قبرستان بقيع، اسلام کے قديمي ترين اور ابتدائي ترين آثار ميں سے ہے- بقيع اولاد رسول(ص) کا مدفن ہے- بقيع بعض روايات کے مطابق حضرت فاطمہ زہرا سلام اللہ عليہا کا مدفن ہے- بقيع چار ائمہ معصومين؛ امام حسن (ع)، امام سجاد(ع)، امام محمد باقر(ع) اور امام جعفر صادق(ع) کا مدفن ہے- بقيع پيغمبراکرم(ص) جليل القدر صحابہ کا مدفن ہے- بقيع حضرت ام البنين (س) کا مدفن ہے- بقيع رسول اسلام(ص) کي دايہ جناب حليمہ کا مدفن ہے- بقيع بہت ساري عظيم ہستيوں کا مدفن ہے کہ جن کے ناموں کو يہاں بيان کرنا ممکن نہيں ہے-  ( جاري ہے )

---

متعلقہ تحریریں:

ہر اختلاف انگيز صدا شيطان کي صدا ہے (حصّہ پنجم)

ہر اختلاف انگيز صدا شيطان کي صدا ہے (حصّہ چهارم)