سورہ یوسف  ۔ع ۔ (32) ویں  آیت کی تفسیر

بسم اللہ الرّحمن الرّحیم

اور اب سورۂ یوسف (ع) کی آیت 32 میں ارشاد ہوتا ہے :

قرآن کریم نے اس آیت میں گنہکاروں کے نفسیات کی بڑے حسین انداز میں ترجمانی کی ہے ایک طرف تو زلیخا نے اپنی نازیبا حرکت پر شوہر کی بدگمانی دور کرنے کے لئے اپنا گناہ حضرت یوسف (ع) کے سرمنڈھنے کی کوشش کی اور خود کو بے گناہ بتایا مگر جب بات نہ بنی اور شوہر پر حقیقت منکشف ہوگئی اور اس نے یوسف (ع) کو بے قصور اور خود اپنی بیوی کو خطاکار قرار دے کر اسے استغفار کی تلقین کرتے ہوئے مسئلہ درگزر کردیا تو گویا اس کوشہ مل گئی اور جب مصری عورتوں نے بات کو ہوا دے کر تادیب و سرزنش کی تو اس نے ان کے سامنے اچانک ہی یوسف (ع) کو بلا لیا اور حسن یوسف (ع) نے ان مصری عورتوں کو اس قدر مدہوش کردیا کہ وہچاقوؤں سے خود اپنے ہاتھ کاٹ بیٹھیں تو اب زلیخا کی جرات بڑھی اور اس نے ان کے سامنے اپنے گناہ کا ارتکاب کرتے ہوئے اپنی بے حیائي پر اصرار کے انداز میں کہا : تم نے ہاتھ کاٹ کر ثابت کردیا ہے کہ میں نے جو اپنی آگ بجھانے کی کوشش کی تھی بلا وجہ نہیں تھی میں اپنی حرکت پر شرمندہ نہیں ہوں ایک مالکن کی حیثیت سے حق رکھتی ہیں کہ جو کچھ بھی کہوں میرا یہ غلام میری ہر خواہش کو پورا کرے اور اگر اس نے میرے کہنے پر عمل نہ کیا تو اس کو جیل میں ڈال دوں گی اور یہ ذلیل و خوار ہوگا زلیخا در اصل اسی مزاج کی ترجمانی کررہی تھی جو آج بھی نام نہاد مہذب دنیا میں اور زیادہ رنگ و روغن کے ساتھ رواج دیا جا رہا ہے کہ

یہاں ایک اہم نکتہ یہی ہے کہ زلیخا ایک طرف یوسف (ع) کی بے گناہی کی معترف ہے دوسری طرف اپنے حکم کی خلاف ورزی کی صورت میں جیل میں ڈال دئے جانے کی دھمکی بھی دے  رہی ہے جو بظاہر اس لئے ہے کہ اس کے غلام آئندہ کسی مخالفت کی جرات نہ کرسکیں ۔

                        اردو ریڈیو تہران