حجاب کي ضرورت و اہميت
اللہ تعاليٰ نے جب انسان کو ارادے اور اختيار کي قوت دے کر خليفہ کي حيثيت سے اس زمين ميں اقتدار اور اختيار دينے کا ارادہ کيا تو فرشتوں نے ايک مکالمے کے ذريعے سے اللہ تعاليٰ کے اس پروگرام پر اپنے تحفظات کا اظہار کيا- ليکن جب اللہ تعاليٰ نے انسان کي کچھ مخصوص صلاحيتوں کا مظاہرہ ان کے سامنے کيا تو وہ اللہ کے حکم کے مطابق انسان کے سامنے سر تسليم خم کر گئے - صرف شيطان نے تکبر اور طغيان کا راستہ اختيار کيا اور اللہ کے حضور دائمي لعنت کا حق دار ٹھہرا- اللہ تعاليٰ نے اس واقعے کا ذکر اس طرح سے کيا ہے :
وَاِذْ قُلْنَا لِلْمَلٰئِکَۃِ اسْجُدُوْا لِاٰدَمَ فَسَجَدُوْا اِلاَّ اِبْلِيْسَ، اَبيٰ وَاسْتَکْبَرَ وَکَانَ مِنَ الْکٰفِرِيْنَ-
(البقرۃ 2:34)
’’اور جب ہم نے فرشتوں سے کہا کہ آدم کو سجدہ کرو تو ابليس کے سوا سب نے سجدہ کيا- اس نے انکا ر کيا اور تکبر کيا اور کافروں ميں ہو گيا- ‘‘
چنانچہ اللہ نے شيطان سے اس کا مقام و مرتبہ چھين ليا اور اسے راندہ درگاہ کر کے وہاں سے نکال ديا- اس پر شيطان نے اللہ سے قيامت تک کے ليے مہلت حاصل کر لي، تاکہ انسان کو اللہ کے راستے سے بھٹکا سکے - اللہ نے اسے مہلت دينے کے ساتھ يہ بھي فرما ديا کہ انسانوں ميں سے جو تير ا کہنا مانے گا ميں ضرور تم سب کو جہنم سے بھر دوں گا-
اللہ تعاليٰ نے شيطان کو وہاں سے نکالنے کے بعد آدم اور حوا کو حکم ديا کہ تم اس باغ ميں رہو اور جہاں سے جو چا ہو کھاۆ پيو، ليکن اس درخت کے پاس مت جانا ورنہ تم ظالموں ميں سے ہو جاۆ گے - چنانچہ شيطان جو ان کي تاک ميں تھا اس نے دونوں کے دلوں ميں وسوسہ ڈالا اور ان کو اللہ کي نافرماني پر آمادہ کيا- قرآن مجيد نے اس واقعے کا ذکر اس طرح سے کيا ہے :
فوسوس لھما الشيطٰن ليبدي لھما ما وظرِيَ عنھما من سَوْاٰتِھِمَا-
(سورۃ الاعراف7:20)
’’پھر شيطان نے ان دونوں کے دلوں ميں وسوسہ ڈالا تاکہ ان کي شرم گاہيں جو ايک دوسرے سے پوشيدہ تھيں دونوں کے روبرو بے پردہ کر دے - ‘‘
آدم اور حوا شيطان کے بہکاوے ميں آ گئے اور اللہ کے قانون کي خلاف ورزي کر بيٹھے- اس کے بعد اپني غلطي پر شرمندہ ہوئے - جس پر اللہ نے ان پر اپني رحمت اور بخشش کي اور ان کي غلطي کو معاف کر ديا- اس واقعے سے ظاہر ہوتا ہے کہ شيطان کا سب سے پہلا وار جو بني نوع انسان پر ہوا وہ يہي تھا کہ وہ ان کو بے پردہ کر دے - اللہ نے انسان پر جو حدود و قيود عائد کي تھيں ان کا مقصد يہي تھا کہ دونوں کے درميان پردہ برقرار رہے - مگر شيطان نے اس پردے پر وار کر کے انسان کو اس پاکيزہ مقام سے نيچے دھکيل ديا-
( سورۃ الاعراف7:18-)
تحرير:عبدالحئي عابد
شعبۂ تحرير و پيشکش تبيان
متعلقہ تحريريں:
اسلام ميں عورت اور مرد ميں مساوات ( حصّہ سوّم )
