بحرالکاہل ميں قديم مچھلي کي دريافت

يہ مچھلي اس قدر منفرد ہے کہ سائنسدانوں کو اس کا باقي بام مچھليوں سے رشتہ بيان کرنے کے ليے صنفيات ميں ايک نيا خاندان بنانا پڑا ہے-

امريکہ، جاپان اور جمہوري پلاؤ کي ايک مشترکہ ٹيم کا کہنا ہے کہ اس بام مچھلي کے نقوش سے اندازہ لگايا جا سکتا ہے کہ ارتقاء کي روح ميں اس کا ماضي باقي صنف سے عليحدہ رہا ہے اور يہ دو کروڑ سال پہلے وجود ميں آئي-

اس بام مچھلي کے بارے ميں تفصيلات ’پروسيڈنگز آف دي رائل سوسائٹي‘ نامي جرنل ميں شائع کي گئي ہيں-

جس جانور پر نئي تحقيق کي گئي يہ ايک اٹھارہ سينٹي ميٹر لمبي مادہ مچھلي ہے جس کو محققين نے جمہوري پلاؤ ميں پاني کي سطح سے پينتيس ميٹر نيچے سے پکڑا-

تحقيق کي ابتداء ميں محققين اس مچھلي کو بام مچھلي قرار دينے پر متفق نہ ہو سکے ليکن جنياتي تجزيے کے بعد يہ ثابت ہو گيا کہ يہ جانور ايک قديم بام مچھلي ہي ہے-

سائنسدانوں نے لکھا ہے ’کئي صورتوں ميں اس مچھلي کے نقوش حاليہ بام مچھليوں سے مختلف ہيں اور کئي صورتوں ميں اس کے نقوش قديم تر بام مچھلي سے بھي الگ ہيں اور اسي بناء پر اس مچھلي کو ايک زندہ فوسل کہا گيا ہے-‘

محققين کے مطابق يہ مچھلي اس وقت وجود ميں آئي جب دنيا پر ڈائناسور اپنا راج شروع کرنے کو تھے-

ان کا کہنا تھا کہ کسي زمانے ميں يہ مچھلي کئي اور جگہوں پر بھي پائي جاتي ہو گي کيونکہ جس غار ميں يہ في الوقت پائي گئي ہے يہ صرف ستر لاکھ سال قبل وجود ميں آيا-

متعلقہ تحريريں:

خلاء ميں سانس لينا ممکن ہو سکتا ہے

بجلي اب چاند سے