• صارفین کی تعداد :
  • 1881
  • 12/30/2008
  • تاريخ :

گُلِ پژمردہ

گل پژمردہ

کس زباں سے اے گلِ پژ مردہ تجھ کو گُل کہوں

کس طرح تجھ کو تمنّائے دِل بلبل کہوں

تھی کبھی موجِ صبا گہوارۂ جنباں ترا

نام تھا صحِن گلستاں میں گِل خنداں ترا

تیرے احساں کا نسیمِ صبح کو اقرار تھا
باغ تیرے دم سے گویا طبلۂ عطار تھا

تجھ پہ برساتا ہے شبنم دیدۂ گریاں مرا

ہے نہاں تیری اُداسی میں دِل ویراں مرا

میری بربادی کی ہے چھوٹی سی اک تصویر تو

خواب میری زندگی تھی جس کی ہے تعبیر تو

ہمچو نَے ازنیستانِ خود حکایت می کنم

بشنو اے گل! ازجدائ ہا شکایت می کنم

 

شاعر کا  نام : علامہ محمد اقبال ( iqbal )

کتاب کا نام : بانگ درا  ( bang e dara )

پیشکش : شعبۂ تحریر و پیشکش تبیان