• صارفین کی تعداد :
  • 2689
  • 4/22/2008
  • تاريخ :

اثر کرے نہ کرے سن تو لے مری فریاد 

اقبال

اثر کرے نہ کرے سن تو لے مری فریاد

نہیں ہے داد کا طالب یہ بندۂ آزاد!

 

یہ مشتِ خاک ، یہ صرصر ، یہ وسعتِ افلاک

کرم ہے یا کہ ستم ، تیری لذتِ ایجاد!

 

ٹھہر سکا نہ ہو اے چمن میں خیمۂ گل!

یہی ہے فصلِ بہاری؟ یہی ہے بادِ مراد؟

 

قصور ور، غریب الدیار ہوں، لیکن!

ترا خرابہ فرشتے نہ کر سکے آباد!

 

مری جفا طلبی کو دعائیں دیتا ہے

وہ دشتِ سادہ ، وہ تیرا جہاں بے بنیاد

 

خطر پسند طبیعت کو سازگار نہیں

وہ گلستاں کہ جہاں گھات میں نہ ہو صیاد

 

مقامِ شوق ترے قدسیوں کے بس کا نہیں

انہیں کا کام ہے یہ جن کے حوصلے ہیں زیاد

 

شاعر مشرق علامہ محمد اقبال