• صارفین کی تعداد :
  • 888
  • 2/8/2012
  • تاريخ :

رہبر معظم سے اسلامي بيداري کے عالمي شعر سمينار کے شرکاء کي ملاقات

رہبر معظم سے اسلامی بیداری کے عالمی شعر سمینار کے شرکاء کی ملاقات

رہبر معظم انقلاب اسلامي حضرت آيت اللہ العظمي خامنہ اي نے پيغمبر اسلام حضرت محمد مصطفي صلي اللہ عليہ و آلہ وسلم کي ولادت با سعادت کے ايام ، ہفتہ وحدت اور اسلامي بيداري کے بين الاقوامي شعرسمينار کے شرکاء سے پيرکي رات ملاقات کي-

ابنا: يہ ملاقات خوشگوار ماحول اور علاقہ ميں جاري اسلامي بيداري کے احساسات و جذبات سے سرشار فضا ميں منعقد ہوئي - اس ملاقات ميں سب سے پہلے تيونس، مصر، يمن، بحرين، لبنان، سوڈان، عراق، شام، سعودي عرب، کويت اور اسلامي جمہوريہ ايران کے شعراء نے عربي زبان ميں پيغمبر اسلام (ص) کي مدح و توصيف، علاقہ ميں جاري اسلامي بيداري کے انقلابات، فلسطين و بيت المقدس، اسلامي جمہوريہ ايران کے اسلامي انقلاب کي کاميابي کي تينتيسويں برسي اور ايراني قوم کي استقامت کے بارے ميں اپنے اشعار پيش کئے-

اس کے بعد رہبر معظم انقلاب اسلامي نے اپنے خطاب ميں اعلي مضامين پر مشتمل اور ممتاز اشعار کے اثرات کي طرف اشارہ کرتے ہوئے فرمايا: امت مسلمہ کے شاعروں کو چاہيے کہ وہ اپنے اعلي مضامين پر مشتمل اشعار کے ذريعہ اسلامي بيداري کي عظيم تحريک ميں اپنا اہم نقش ايفا کريں-

رہبرمعظم انقلاب اسلامي نے اسلامي بيداري سے متعلق اشعار کے مضامين کو امت اسلامي کي بصيرت ميں اضافہ پر مشتمل ہونے کي تاکيد کرتے ہوئے فرمايا:  اسلامي بيداري سے متعلق اشعار کے مضامين  ميں اعلي اہداف اور عظيم مقاصد کي نشاندہي اور ان مقاصد تک پہنچنے کے راستوں کي نشاندہي ہوني چاہيے نيز دشمنوں کي پہچان اوران کي جانب سے پيدا کي جانے والي رکاوٹوں پر خاص توجہ مبذول کرني چاہيے-

رہبر معظم انقلاب اسلامي نے فرمايا: اشعار ميں دين کے نقش ، اللہ تعالي پرايمان کے نقش  اور اسلامي بيداري ميں قرآني معارف پر خاص توجہ ديني چاہيے کيونکہ جو تحريک ديني اعتقاد پر استوار ہوگي اس کو  کوئي نقصان نہيں پہنچا سکے گا اور وہ ہميشہ زندہ رہے گي-

رہبر معظم انقلاب اسلامي نے اسلامي بيداري کي تحريک کو پوري امت مسلمہ کے لئے مؤثر اور فيصلہ کن قرارديتے ہوئے فرمايا: يہ حرکت ايک حقيقي اور اسلامي بيداري پر مشتمل ہےجو بيشمار عبرتوں ، گہرے ادراک اور کئي برسوں ميں عرب قوموں کي اعلي ہمت کے نتيجے ميں سامنے آئي ہےاور اسي وجہ سے اس عظيم اسلامي حرکت پر بہار عربي کا نام  رکھنا ناقص اور نامکمل ہے-

رہبر معظم انقلاب اسلامي نے تاکيد کرتے ہوئے فرمايا: يہ تحريک جاري رہے گي جو اللہ تعالي کے فضل سے امت اسلامي کي تاريخ کو بدل دے گي-

رہبر معظم انقلاب اسلامي نے فرمايا: يہ تحريک  ايک عظيم تاريخي واقعہ کا مظہر ہے جس کي بنا پر امت اسلامي ميں ايک عظيم تبديلي رونما ہوجائےگي-

رہبر معظم انقلاب اسلامي نے تاکيد کرتے ہوئے فرمايا: امت اسلامي کے شعراء کو اس عظيم تاريخي واقعہ ميں اپنا رول اور اپنا کردار ادا کرنا چاہيے-

رہبر معظم انقلاب اسلامي نے اسلامي بيداري کے اشعار ميں امت اسلامي کے اتحاد پر اہتمام کے سلسلے ميں تاکيد کرتے ہوئے فرمايا: دشمن مسلمانوں کي صفوں ميں اختلاف ڈال کراسلامي بيداري کي تحريک کو شکست دينے، روکنے اور اسے متوقف کرنے کے سلسلے ميں سازشوں ميں مصروف ہے ليکن امت اسلامي کو چاہيے کہ وہ مذہبي ، قومي اور سياسي اختلاف پر غلبہ پيدا کرکے اختلاف پيدا کرنے کي تمام راہوں کو بند کردے-

رہبر معظم انقلاب اسلامي نےشعر کے ہنر کے ارتقاء ميں لفظ اور مضامين کے نقش کي طرف اشارہ کرتے ہوئے فرمايا: مضبوط و مستحکم الفاظ اور مضامين پر مشتمل اشعارکہے جائيں تاکہ ان کے اثرات دراز مدت تک باقي رہيں-

اس ملاقات ميں عالمي اسلامي بيداري کونسل کے جنرل سکريٹري ڈاکٹر علي اکبر ولايتي نےاپني گفتگو ميں علاقائي انقلابات کو انحراف سے بچانے کے لئے اسلامي بيداري کي ادبيات کي اہميت اور ضرورت کي طرف اشارہ کرتے ہوئے کہا: اسلامي بيداري کا بين الاقوامي شعر سمينار 10 ممالک سے 77 شعراء کي موجودگي ميں منقعد ہوا-

ولايتي نے اس سمينار کو عالمي اسلامي بيداري اورجوان و اسلامي بيداري کے عالمي سمينار اور اسلامي بيداري تحريک کے اہداف کي سمت ايک اہم قدم قرارديا-