پاکستان کے شیعہ مدد کے منتظر

شیعہ آن لائن نے فارس نیوز سے نقل کرتے ہوۓ لکھا ہے کہ مصطفی کرمانی نے اپنی راۓ کا اظہار کرتے ہوۓ کہا کہ  پاکستان  کے صوبوں پنجاب اور سندھ میں 20 فیصد کے قریب شیعہ اور 90 فیصد اھل بیت سے محبت رکھنے والے افراد آباد ہیں مگر  بدقسمتی سے یہاں پر سعودی عرب کے وہابی اعتقادی لحاظ سے بہت زیادہ سرگرم عمل ہیں اور شیعوں کے ہر علاقے میں ایک وہابی جماعت موجود ہے۔ بدقسمتی سے شیعہ اپنے کم علم ہونے کی وجہ سے وہابیوں کے اثرات تلے دبے ہوۓ ہیں ۔

کرمانی نے مزید کہا کہ شیعوں کی مالی اور اطلاعاتی مشکلات کے برعکس سعودی عرب نے وہابی فرقہ کے لیۓ یہاں پر ایک مدرسہ بنا رکھا ہے جہاں پر 5 ہزار کے قریب طلباء زیر تعلیم ہیں جن پر ایک مہینے میں 100 ہزار روپے خرچ کیۓ جا رہے ہیں ۔ اس کے مقابلے میں شیعہ مدرسے میں صرف 200 طالب علم ہیں جن کو 15 ہزار روپے بھی خرچ کرنے کے لیۓ نہیں مل رہے ۔

انہوں نے کہا کہ وہابی نہ صرف شیعوں بلکہ سنیو ں پر بھی رحم نہیں کرتے اور ان پر بھی اپنے اعتقادات لاگو کرنے میں کامیاب ہوتے نظر آ رہے ہیں ۔ اس لیۓ ضروری ہے کہ کوئی ایسا قدم اٹھایا جاۓ جس کی وجہ سے انقلاب ایران کے اثرات پاکستان کے شیعوں پر پڑھیں جس سے نہ صرف علماء بلکہ طالب علم ، انجینیر ، ڈاکٹر بھی مستفید ہو سکیں تاکہ  ان کی علمی دانش کو بلند کیا جا سکے ۔

انہوں نے کہا کہ پاکستان کے شیعوں کو شہید مصطفی چمران اور امام موسی صدر جیسے علماء اور عظیم ہستیوں کی ضرورت ہے جنہوں نے لبنان میں خاطر خواہ تحولات ایجاد کیے اور اب  ضرورت اس بات کی ہے کہ یہی تحولات پاکستان میں ایک حزب کے قیام کے بعد آئیں ۔

کرمانی نے کہا کہ  پاکستان کے صوبہ سندھ اور بلوچستان میں اب بھی شیعوں کے لیۓ فعالانہ کردار ادا  کرنے کے لیۓ زمینہ سازی موجود ہے اور یہاں پر اپنی وسیع فعالیت کے باوجود ابھی تک درست طریقے سے کامیاب نہیں ہیں ۔

کرمانی نے کہا کہ گذشتہ تیس سالوں میں 150 ہزار کے قریب شیعہ ڈاکٹر ، انجینیر ، وکلاء ، جج  وہابیوں کے ہاتھوں مارے جا چکے ہیں ، اس لیۓ پاکستان کے شیعہ ابھی بے سرپرست ہیں ۔ وہابی شیعہ علماء کے ساتھ سنی علماء کو بھی مار  رہے ہیں ۔

وحدت مسلمین  پاکستان کے رکن نے مزید کہا کہ مالی مسائل کی کمی کی وجہ سے اور کسی بزرگ عالم دین کے نہ ہونے کی وجہ سے شیعوں کا صرف ایک ہی اخبار پاکستان میں چپ رہا ہے جو ھفت نامے کی صورت میں ہے ۔

کرمانی نے سینما کے بارے میں بات کرتے ہوۓ کہا کہ ہم اس میدان میں بھی بہت کمزور ہیں اس لیۓ ہم درخواست کرتے ہیں کہ ایرانی اپنی فلموں کو اردو زبان میں ترجمہ کریں اور پاکستان بھیجیں ۔ .

انہوں نے مراسم مذھبی کے بارے میں بات کرتے ہوۓ کہا کہ اس سال بجاۓ اس کے کہ  اجازت دی جا ۓ کہ عاشورہ کے موقع پر عزاداری کی جاۓ ، حکومت پاکستان اور طالبان نے مار دینے کی دھمکیاں دیں مگر اس کے باوجود لوگ عزاداری کے لیۓ میدان میں آۓ اور اس میں کچھ شہید بھی ہوۓ ۔ .

انہوں نے کہا کہ ماضی قریب میں حیدر رضا  جو صوبہ سندھ میں مجلس کا رکن تھا اور میرزا یوسف جو شیعوں کا ایک بڑا عالم تھا ، ان دونوں کو شہید کیا گیا ۔  پاکستان کے شیعوں کو بڑی شدت سے قرآن، نہج البلاغہ اور ایک کتاب جو وہابی ازم کے غلط عقائد کا  جواب دے  کی ضرورت  ہے ۔ انہوں نے کہا کہ ہم نے رسالہ عملیہ حضرت آیت اللہ خامنہ ای کو بھیجنے کی بار بار درخواست بھی کی ہے  جو ابھی تک یہاں دستیاب نہیں ہے ۔

تحریر : ڈاکٹر رضا رضوی