اللہ وہ (ذات) ہے جس کے سوا کوئي معبود نہيں، وہ زندہ اور سب کا نگہبان ہے، اسے اونگھ آتي ہے اور نہ نيند، زمين اور آسمانوں ميں جو کچھ ہے سب اسي کي ملکيت ہے، کون ہے جو اس کي اجازت کے بغير اس کے حضور سفارش کر سکے؟ جو کچھ لوگوں کے روبرو اور جو کچھ ان کے پيچھے ہے وہ ان سب سے واقف ہے اور وہ علم خدا ميں سے کسي چيز کا احاطہ نہيں کر سکتے مگر جس قدر وہ خود چاہے، اس کي کرسي آسمانوں اور زمين پر چھائي ہوئي ہے اور ان دونوں کي نگہداري اس کے ليے کوئي کار گرا ں نہيں ہے اور وہ بلند و بالا اور عظيم ذات ہے

اے ايمان والو! جو مال ہم نے تمہيں ديا ہے اس ميں سے خرچ کرو قبل اس دن کے جس ميں نہ تجارت کام آئے گي اور نہ دوستي کا فائدہ ہو گا اور نہ سفارش چلے گي اور ظالم وہي لوگ ہيں جنہوں نے کفراختيار کيا

جو لوگ اپنا مال راہ خدا ميں خرچ کرتے ہيں ان (کے مال) کي مثال اس دانے کي سي ہے جس کي سات بالياں اگ آئيں جن ميں سے ہر بالي کے اندر سو دانے ہوں اور اللہ جس (کے عمل) کو چاہتا ہے دگنا کر ديتا ہے، اللہ بڑا کشائش والا، دانا ہے

اور راہ خدا ميں جنگ کرو اور جان لو کہ اللہ خوب سننے والا، جاننے والا ہے - کوئي ہے جو اللہ کو قرض حسنہ دے تاکہ اللہ اسے کئي گنا زيادہ دے؟ اللہ ہي گھٹاتا اور بڑھاتا ہے اور اسي کي طرف تمہيں پلٹ کر جانا ہے

نمازوں کي مخافظت کرو، خصوصاً درمياني نماز کي اور اللہ کے حضور خضوع کے ساتھ کھڑے ہو جاؤ - پھر اگر تم حالت خوف ميں ہو تو پيدل ہو يا سوار (جس حال ميں ہو نماز پڑھ لو) اور جب تمہيں امن مل جائے تو اللہ کو اسي طرح ياد کرو جس طرح اس نے تمہيں وہ (کچھ) سکھايا ہے جسے تم پہلے نہيں جانتے تھے

لوگ آپ سے شراب اور جوئے کے بارے ميں پوچھتے ہيں، کہ ديجيے: ان دونوں کے اندر عظيم گناہ ہے اور لوگوں کے ليے کچھ فائدے بھي، مگر ان دونوں کا گناہ ان کے فائدے سے کہيں زيادہ ہے اور يہ لوگ آپ سے پوچھتے ہيں کہ کيا خرچ کريں؟ کہ ديجيے: جو ضرورت سے زيادہ ہو، اس طرح اللہ اپني نشانياں تمہارے ليے کھول کر بيان فرماتا ہے تاکہ تم سوچو .

لوگ آپ سے پوچھتے ہيں : کيا خرچ کريں؟ کہ ديجيے: جو مال بھي خرچ کرو اپنے والدين، قريب ترين رشتہ داروں، يتيموں،مسکينوں اور مسافروں پر خرچ کرو اور جو کار خير تم بجا لاؤ گے يقينا اللہ اس سے خوب باخبر ہے

جو کافر ہيں ان کے ليے دنيا کي زندگي خوش نما بنا دي گئي ہے اور وہ دنيا ميں مومنوں کا مذاق اڑاتے ہيں مگر اہل تقوي? قيامت کے دن ان سے مافوق ہوں گے اور اللہ جسے چاہتا ہے بے حساب رزق ديتا ہے

اے ايمان لانے والو! تم سب کے سب (دائرہ ) امن و آشتي ميں آجاؤ اور شيطان کے نقش قدم پر نہ چلو، يقينا وہ تمہارا کھلا دشمن ہے - اور اگر ان صريح نشانيوں کے تمہارے پاس آنے کے بعد بھي تم لڑکھڑا جاؤ تو جان رکھو کہ اللہ بڑا غالب آنے والا، باحکمت ہے

اور پھر جب اس سے کہا جائے: خوف خدا کرو تو نخوت اسے گناہ پر آمادہ کر ديتي ہے، پس اس کے ليے جہنم ہي کافي ہے اور وہ بہت برا ٹھکانا ہے - اور انسانوں ميں کوئي ايسا بھي ہے جو اللہ کي رضاجوئي ميں اپني جان بيچ ڈالتا ہے اور اللہ بندوں پر بہت مہربان ہے