سودەكانی خواردنی گەنمەشامی كوڵاو
گەنمەشامی یەكێكە لەجۆرەكانی دانەوێڵە و لەسەرتاسەری دونیادا ئارەزوو لەسەر خواردنی ئەم خۆراكە هەیە و و بە چەند ڕێگەیەكی جیاواز ئامادە دەكرێت ودەتوانرێت لەكاتی ئامادەكرندیت چەندین تامی جیاوازی بۆ زیاد بكرێت .
گەنمەشامی زەرد چەندین جۆری جیاواز لە پێكهاتە خۆراكیە سوود بەخشەكان و ڕیشاڵ و ڤیتامین لە پێكهاتەیدا هەیە و ئەمانەش هەرسی گەدە ئاسان دەكەن جگە لەوەی هەبونی ترشی فۆلیك و سیامین و ڤیتامین سی لەناو گەنمەشامیدا وایكردوە ئەم خۆراكە بەرگری جەستە دژی نەخۆشیەكان زیاد بكات .
خواردنی كوپێك گەنمەشامی كوڵاو 124 گەرمۆكە بە جەستە دەدات ئەمە جگە لەوەی تامی خۆشە و كۆلیسترۆڵ و چەوری لە پێكهاتەیدا نیە و نابێتە هۆی بەرزبونەوەی كۆلیسترۆڵی زیانبەخشی ناو خوێن .
خواردنی گەنمەشامی كوڵاو گەدە چالاك دەكەن و ئەگەری توشبوون بە نەخۆشیەكانی دڵ و ملولەكانی خوێن كەمدەكەنەوە و ئاستی شەكری ناو خوێن ڕێكدەخات و ئێسكەكان بەهێز دەكات و چاو بەهێز دەكات .
ئێستا دوای ئەوەی سوودەكانی ئەم خۆراكەت زانی دەتوانیت چێژ وەربگریت لە خواردنی گەنمەشامی كوڵاو .
وێستگە ستایل