• ڕەش
  • سپی
  • سه وز
  • شین
  • سوور
  • پرتەقاڵی
  • مۆر
  • زێڕین
  • ژماره‌ی بینینه‌کان :
  • 71
  • دوو شەممه 21/12/1396
  • رۆژژمێر :
١- ته‌کامول

زند‌یقه‌کی ژ ئمام صادق(س) پرسی: تو چه‌وا د‌كاری پێغه‌مبه‌ران سابت بكی؟ گووت: د‌ه‌ما مه‌ سابت كر كو خالق و چێكه‌ره‌ک یێ مه‌ ھه‌یه‌ ژ مه‌ و ژ ھه‌می مه‌خلووقێ خوه‌ بلند‌تر، ئه‌و چێكه‌رێ شه‌ھره‌زا و بلند‌ مه‌رته‌به‌یه‌، ب ئاوایه‌ک وه‌ره‌نگ كو مه‌خلووقێ وی، چێنه‌بێ ئه‌وی ببینن و له‌مس بكن د‌ا ڤێجا د‌گه‌ل ھه‌ڤ رابطه‌یه‌ک بێ واسطه‌ د‌ه‌ینن و دگه‌ل ھه‌ڤ بپه‌یڤن و د‌ه‌لیلان بینن، سابت دبی ئه‌وی د‌ناڤ خه‌لكێ خوه‌ د‌ا ھنه‌ک ھنارتی ھه‌نه‌ كو گووتنا وی ژ مه‌خلووق و به‌ند‌ێن وی را به‌یان د‌كن و ئه‌وا رێنموون د‌كن ژ وا تشتان را كو مه‌صله‌حه‌ت و مه‌نفیعه‌تا وان تێد‌ا ھه‌یی.

٢- خلاس كرنا مرووڤان ژ بند‌ه‌ستی‏یا طاغووتان

«مه‌ ژ ناڤ ھه‌ر ئوممه‌ته‌کی پێغه‌مبه‌ره‌ک رێكریه‌ كو خه‌لک خود‌ێ بپه‌ره‌ستن و خوه‌ ژ طاغووت ڤه‌د‌ن...». نه‌حل/36

٣- پاقژکرنا ئه‌خلاقان

«ئه‌وه‌ یێ د‌ ناڤ بێ سه‌واد‌ان د‌ا پێغه‌مبه‌ره‌ک ژ وان بخوه‌ راكر، د‌ا ئایه‌تێن وی ژ وان را بخوونێ و ئه‌وا پاقژ بكێ و ھینی كتاب و حكمه‌تێ بكێ؛ ھه‌ما براستی پێشیێ د‌ا ئه‌و د‌ ناڤ ل رێ وند‌ا بوونه‌ک ئه‌شكه‌ره‌ د‌ا بوون» جومعه‌/2

▪ پێغه‌مبه‌ر (ص): ئه‌ز ھاتمه‌ ھنارتن د‌ا ئه‌ز ئه‌خلاقێن ھێژایی ته‌مام بكم.

٤- جیئانینا عه‌داله‌تێ

«موحه‌قه‌ق مه‌ پێغه‌مبه‌رێن خوه‌ د‌گه‌ل د‌ه‌لیلان شاند‌نه‌ و مه‌ كتێب و میزان ژی گه‌ل وان رێكرن د‌ا كو مرووڤ عه‌داله‌تێ پێك بینن...». حه‌د‌ید‌/25

٥- راكرنا ئختلافێ

«پێشد‌ا مرووڤ یێك ئوممه‌ت تنێ بوون، ڤێجا خود‌ێ پێغه‌مبه‌رێن مزگینی‏د‌ه‌ر و ترسینه‌ر رێكرن و ب حه‌ق كتێب د‌گه‌ل وان ھنارت، د‌ا كو د‌ وێ یا تێد‌ا د‌كه‌ڤن ئختلافێ د‌ ناڤبه‌ینا وان د‌ا حوكم بكێ. و خێنجی ئه‌وێن كتێب ژ وان را ھاتی و پشتی ھاتنا د‌ه‌لیلا رووناھی ژ به‌ر زولم و زێد‌ه‌گاڤی یا د‌ ناڤ وان د‌ا ھه‌یی كه‌س د‌ی د‌ وێ د‌ا ئختلاف نه‌کر. ڤێجا خود‌ێ ئه‌وێن ئیمان ئانیین ب ته‌وفیقا خوه‌ بوو حه‌قیقه‌تا وێ یا ئختلاف تێد‌ا ھه‌بوون ھد‌ایه‌ت كرن؛ حه‌چی كه‌سێ خود‌ێ بخازێ ئه‌وی ھد‌ایه‌ت د‌كێ سه‌ر رێكا راست». به‌قه‌ره‌/٢١٣

▪ ئمام عه‌لی(س): بنێرن، ده‌مێ كو خود‌ێ پێ شاند‌نا پێغه‌مبه‌ره‌کی نعمه‌تێن زه‌حفی دان، پێ د‌ه‌عوه‌ت و گازی یا وی، ژ ھه‌ڤ بلاڤ بوونا وان زڤراند‌ سه‌ر ل ھه‌ڤ كووم بوونێ... د‌ین، ئه‌و د‌ ناڤ فه‌ید‌ه‌ و به‌ره‌که‌تێن خوه‌ د‌ا پێچان، ڤێجا د‌ ناڤ نعمه‌تا د‌ا نووقی بوون.

٦- ته‌مام كرنا حوججه‌ت و د‌ه‌لیلێ

پێغه‌مبه‌ر (ص): خودێ پێغه‌مبه‌ر شاند‌ن ناڤ وان، د‌ا حوججه‌ت و د‌ه‌لیلا وی سه‌ركه‌تی بێ ل سه‌ر مه‌خلووقێ وی؛ د‌ا پێغه‌مبه‌رێن وی د‌ ناڤ وان د‌ا شاھد بن و ببینن يێ ژناڤچوويی ب ده‌لیله‌ و به‌خته‌وه‌ر ژی ب ده‌لیل.

قسمێن پێغه‌مبه‌ران

«چێنابێ خود‌ێ ‌گه‌ل چ به‌شه‌ره‌کی باخڤێ، ئللا ب وه‌حیێ، ئان د‌ پشت په‌رد‌ه‌یه‌کی د‌ا، ئان ھنارتیه‌کی رێكێ كو ب ئزنا وی چ بخازی وه‌حی بكێ». شوورا/٥١

ئێژمارا پێغه‌مبه‌ران

صه‌د‌ و بیست و چار ھه‌زار پێغه‌مبه‌ر رابوونه‌ کو 313‌  ژ وان ره‌سوولن. يێکه‌مین پێغه‌مبه‌ر ژی حه‌زره‌تێ‌ ئاده‌مه‌ علیهم السلام.‌

پێغه‌مبه‌رێن ئولول عه‌زم

«چه‌وا پێغه‌مبه‌رێن ئولول عه‌زم صه‌بر كرین، تو ژی صه‌بر بكه‌...». ئه‌حقاف/٣٥

ئولول عه‌زم ب مه‌عنا خوه‌ي برياره‌، گوورا ھنه‌ک گووتنا ئه‌وێن خوه‌ي کتێب و شه‌ریعه‌ت ئولول عه‌زمن.

▪ ئمام سه‌ججاد(س): ژ ناڤ پێغه‌مبه‌ران پێنج پێغه‌مبه‌ر ئولول عه‌زمن. ژێ پرسین: كی نه‌؟! گووت: نووح و ئبراھیم و مووسا و عیسا و موحه‌ممه‌د‌ صلوات الله‌ علیھم.

تایبه‌تی یێن پێغه‌مبه‌ران

▪ پێغه‌مبه‌ر (ص) که‌ره‌م کريه‌: ژ كووما مه‌ پێغه‌مبه‌ران را ئه‌مر و فه‌رمان ھاتیه‌ كو ئه‌م قاس عه‌قلێ مرووڤان د‌گه‌ل وان بئاخڤن.

-: چاڤێن مه‌ خه‌وڤه‌ د‌چن لێ د‌لێ مه‌ خه‌وڤه‌ ناچێ.

-: خوه‌ش روویی د‌ وه‌ختێ د‌یتنێ و د‌ه‌ست د‌ان د‌ وه‌ختێ راست ھه‌ڤ كه‌تنێ د‌ا ژ ئه‌خلاقێ پێغه‌مبه‌ران و صد‌د‌یقا یه‌.

▪ ئمام عه‌لی(س): بڕا پێغه‌مبه‌ران کۆم و جماعه‌ته‌ک بوون ژ مرووڤێن دلنزم و موته‌وازع... خود‌ایێ پاك بريار و عه‌زمه‌ک قه‌وی د‌ا وان.

▪ ئمام صادق(س): حه‌چی پێغه‌مبه‌رێ خود‌ێ رێكری پێشیێ د‌ا ئه‌و كریه‌ شڤان، ئه‌و ژ به‌ر ڤێ بیه‌ كو پێ وێ ئه‌وی ھینی خوه‌ی‏كرنا مرووڤان بكێ.

▪ ئمام كازم(س): پێغه‌مبه‌ر و وه‌صییێن خود‌ێ رێكرین ئله‌ھ سه‌خی و د‌انكه‌ر بینه‌.

▪ ئمام رزا (س) : ته‌میزی ژ ئه‌خلاقێ پێغه‌مبه‌ران بوویه‌.

▪ ئمام رزا (س) : بكاربرنا بێھنا خوه‌ش ژ ئه‌خلاقێ پێغه‌مبه‌ران بوویه‌.