• ڕەش
  • سپی
  • سه وز
  • شین
  • سوور
  • پرتەقاڵی
  • مۆر
  • زێڕین
  • ژماره‌ی بینینه‌کان :
  • 546
  • سێ شەممه 15/11/1392
  • رۆژژمێر :

14 رێگا بۆ چاره‌سه‌ري دواكه‌وتني منداڵ له‌ قسه‌كردن‌

‌‌ زۆرينه‌ي دايكان و باوكان تووشي دودڵي و ڕاڕايي ده‌بن كاتێك منداڵ ته‌مه‌ني ده‌چێته‌ سه‌رو يه‌ك ساڵييه‌وه‌ و به‌ڵام هيشتا زماني نه‌هاتۆته‌ گۆ بۆيه‌ پسپۆراني بواري منداڵان 14 ئامۆژگاري بۆ دايكان و باوكان ده‌خه‌نه‌ روو تاوه‌كو منداڵ زووتر بتوانيت قسه‌ بكات ئه‌وانيش :

1. دڵنيابه‌ له‌ سه‌لامه‌تي ته‌ندروستي قورگي منداڵه‌كه‌ت به‌تايبه‌ت ئامێري بيستن و زمان ئه‌ويش له‌رێگه‌ي بينيني پزيشكي پسپۆري تايبه‌تي ئه‌م بواره‌وه‌ .

2. منداڵه‌كه‌ت دووربخه‌ره‌وه‌ له‌ ڕاڕايي و قه‌له‌قي و مه‌هێڵه‌ منداڵ له‌و ته‌مه‌نه‌دا به‌ كێشه‌كاني تۆ بزانێت و له‌به‌رچاوي كێشه‌كان چاره‌سه‌ر مه‌كه‌ ،چونكه‌ زۆرجار ئه‌و كێشانه‌ وا له‌ منداڵ ده‌كات بێده‌نگي هه‌ڵبژێرێت و قسه‌ نه‌كات .

3. هه‌وڵبده‌ ژينگه‌يه‌كي ته‌ندروستي و ئارامي بۆ دابين بكه‌ چونكه‌ منداڵ له‌و ژينگه‌يه‌دا زووتر گه‌شه‌ ده‌كات و ئه‌و ژينگه‌يه‌ يارمه‌تيده‌ره‌ بۆ زوو كه‌وتنه‌ سه‌ر قسه‌ لاي منداڵ .

4. هه‌وڵبده‌ به‌ وورده‌ فێلي تايبه‌تي خۆت له‌گه‌ڵ منداڵه‌كه‌ت بكه‌وه‌ره‌ ململانێ به‌شێوازي منداڵانه‌ هه‌ميشه‌ش هه‌وڵبده‌ له‌پێش چاوي خۆي شته‌كاني بۆ روون بكه‌ره‌وه‌ به‌ ئاماژه‌ بۆ كردن و به‌ ووتنه‌وه‌ي ناوي ئه‌و شته‌ي ده‌ته‌وێت تێي بگه‌ێنێت ئه‌و شته‌ چييه‌ .

5. يه‌كێك له‌و هۆكارانه‌ي كه‌ يارمه‌تيده‌ره‌ له‌ كه‌وتنه‌ سه‌ر قسه‌كردني منداڵ به‌ زوويي بريتيه‌ له‌ بووني پێگه‌يه‌كي كۆمه‌ڵايه‌تي و وه‌ك دراوسێ و خزمان و هاوڕيان و هانداني ئه‌و منداڵانه‌ به‌ ياريكردن له‌گه‌ڵي و كرانه‌وه‌ هه‌روه‌ها هێناني منداڵي تر بۆ ياريكردن له‌گه‌ڵ منداڵه‌كه‌ت .

6. چوونه‌ باخچه‌ ساوايانه‌كان هۆكارێكه‌ منداڵ به‌هۆيه‌وه‌ تواناي ئاخافتني بۆ زياد ده‌كات ،چونكه‌ تێكه‌ڵي له‌گه‌ڵ منداڵ و دايه‌نگا دروست ده‌كات و هۆكارێكه‌ بۆ بينيي شتي زياتر .

7. زياد قسه‌كردن له‌گه‌ڵ منداڵ هۆكارێكه‌ بۆ پراكتيزه‌كردني ئاستي

زمانه‌واني منداڵ و چۆنێتي ده‌ربريني چونكه‌ قسه‌كردن رێگاي سه‌ره‌كي فێربووني زمانه‌ .

8. شته‌كاني چوارده‌وري منداڵه‌كه‌ت به‌ناوي ئه‌وه‌ ناوبني به‌تايبه‌ت ئه‌و شتانه‌ي هه‌ست ده‌كه‌يت ئه‌و به‌ر ئه‌وه‌شتانه‌ ده‌كه‌وێت ،وه‌ك ئه‌و بوكه‌ هي تۆيه‌ ،ئه‌و پۆشكانه‌ هي تۆن و كۆمه‌ڵيكي تر .

9. له‌ وتنه‌وه‌ي شته‌كان به‌رامبه‌ر به‌ منداڵ هه‌وڵبده‌ له‌ ده‌ربرينه‌كانت هه‌ڵه‌ نه‌كه‌يت تاوه‌كو منداڵ به‌هه‌ڵه‌ وه‌رينه‌گرێت و ده‌ريببڕێت .

10. هه‌وڵبده‌ وه‌كو دايك و باوك هه‌موو رۆژێك كاتێكي دياريكراو بۆ ياريكردن له‌گه‌ڵ منداڵه‌ت دابنێ و له‌گه‌ڵ يه‌كتر بكه‌ونه‌ قسه‌ي منداڵانه‌ با منداڵه‌كه‌ت چاوت لێ‌ بكات .

11. ده‌توانيت له‌رێگه‌ي گۆراني و سرودي تايبه‌ت به‌ منداڵه‌وه‌ منداڵه‌كه‌ت هان بده‌يت بۆ قسه‌كردن .

12. بيده‌نگه‌ به‌ له‌به‌رامبه‌ر ووتني ئه‌و هه‌ڵانه‌ي كه‌ منداڵ له‌كاتي ووتني شتێك ده‌يڵێت وازي لێ‌ بهێنه‌ با خۆي چاكي بكاته‌وه‌ .

13. خوێندنه‌وه‌ و پيشانداني ئه‌و گۆڤارو كتێبانه‌ي كه‌ وێنه‌ي له‌گه‌ڵدايه‌ بۆ منداڵان يه‌كێكه‌ له‌ هۆكاره‌كاني فێربوون بيرشت نه‌چێت وێنه‌ هۆكارێكي سه‌ره‌كي فێربوونه‌ لاي منداڵ .

14. ته‌ماشاكردني ته‌له‌فزيۆن و كارلێك له‌گه‌ڵ ته‌له‌فزيۆندا هۆكارێكه‌ منداڵ له‌رێگه‌يه‌وه‌ ده‌توانێت به‌ ره‌واني قسه‌ بكات و لێوه‌ي فێر بێت 

کوردی نیوز