رۆحاني: ئەنداماني کۆڕي دەوڵەتي ئێران بۆ خزمەتگوزاي ئامادەن
سەرۆکي کۆماري ئيسلاميي ئێران لەسەر ئامادەيي دەوڵەتي يازدەهەم بەمەبەستي پێشکەوتني وڵات وباشتربووني ڕەوشي ژياني گەلي ئێران پێداگريي کرد .
بەگوێرەي ڕاپۆرتي پەيامنێرمان، " حەسەن ڕۆحاني" سەرۆکي کۆماري ئيسلاميي ئێران، ئێوارەي ڕۆژي يەکشەممە لە يەکەمين کۆبوونەوەي کۆڕي دەوڵەتي يازدەهەم، بەڕاگەياندني ئەمەي کە ئێران لەم بارودۆخەدا بەرەوڕووي گرفتي بەرفراوانە، وتي : هەوڵي دەوڵەتي تەگبيرو ئومێد لە ڕێگەي چارەسەر کردني گرفتەکان دەبێت، چونکە دەوڵەت لە بواري بەڕێوەبەرايەتي هەميشە دەبێ هاسانکاري بکات .
ڕۆحاني وێڕاي پێداگري لەسەر ئەمەي كه هەموو ئەنداماني دەوڵەتي يازدەهەمي ئێران ئامادەي لە خۆبردوويي و فيداکاري بۆ باشترکردني ڕەوشي ژياني خەڵکن، وتيشي: ئەگەر ڕەوشي ئابووريي خەڵک باشترنەبێت، ئەو کاتە ئەخلاق، مەعنەويەت، پێوەنديي دروست و بنەماي ئيمان لە نێو کۆمەڵگە دا لەناو دەچێت.
سەرۆکي کۆماري ئيسلاميي ئێران وتيشي: ئێران هي هەموو گەلە و خەڵک هەميشە باشترين هۆکاري هاسانکاري لە بوارە جۆربەجۆرەکانن.
پازدە وەزيري دەوڵەتي يازدەهەمي ئێران کە لە مەجليسي شۆراي ئيسلامي دەنگي متمانەيان وەرگرت، ڕۆژي شەممە دواي ئامادەبوون لە نێو وەزارەتخانەکانيان، چالاکي و بەرنامەکانيان دەست پێ کرد .