پەرەدانی پیسبونی هەوا بە نەخۆشی زەهایمەر
بەپێی ئەنجامی توێژینەوەیەكی نوێ دەركەوتووە پیسبونی هەوا و ژینگەی دەوروبەر كاریگەری خراپی لەسەر تەندروستی مرۆڤ هەیە، بە تایبەت بۆ كەسانی توشبوو بە نەخۆشی زەهایمەر.
توێژینەوەكە لەلایەن چەند پسپۆڕێكی زانكۆی لانكستەر لە بەریتانیا ئەنجامدراوە و ئاشكرای كردووە گەردیلەكانی هەوای پیس بەتایبەت گەردیلەكانی ئەكسیدی ئاسن و ئەكسیدی ئاسنی ڕەش توشبووانی زەهایمەر دەباتە قۆناغێكی دیكە و تەندروستییان خراپتر دەكات.
توێژینەوەكە لەسەر 37 كەسی بەتەمەن ئەنجامدراوە كە توشبووی نەخۆشی زەهایمەر بوون و دەركەوتووە زۆرینەیان نیشتەجێی ئەو شارانە بوون كە هەوایەكی پاكژیان نییە و كێشەی پیسبوونی هەوا و ژینگەیان هەیە.
پسپۆڕەكان ئەم ئەنجامانە بە ئەنجامی كۆتای و دڵنیاكەرەوە دانانێن بۆ ئەو مەبەستەش دەیانەوێت چەند توێژینەوەیەكی دیكە ئەنجام بدەن تا بەشێوەیەكی ڕوون و دیاریكرا و پەیوەندی نێوان هەوای پیس و نەخۆشی زەهایمەریان بۆ ئاشكرا بێت.
سەرچاوه: توڕێ هەواڵی کوردی