کوژرانی دەیان تیرۆریستی داعشی لە عێراق
بە گوێرەی ڕاپۆرتی هەواڵدەریی ئەلنەشرە، لە ئاکامی پەلامارەکانی ڕۆژی چوارشەممەی فڕۆکە جەنگییەکانی سوپای عێراق بۆ سەر بنکە و مۆڵگەی تیرۆریستانی داعش لە جەزیرەتولخالدیە هەڵکەوتوو لە شاڕی ڕومادی "زاحی خەلەف زەبیانی" سەرکردەی داعش هاوڕێ لەگەڵ 30 تیرۆریستی دیکە کوژران.
سوپا و هێزەکانی حەشدی شەعبیی عێراق لە هەڵمەتێکی چەند کاژێری دا ڕێگای پەیوەندیی نێوان دوو شاری فەللوجە و ڕومادی لە پارێزگای ئەنباریان لە بوونی تیرۆریستانی داعش پاک کردەوە.
هەر لەم پەیوەندییە دا حسێن قائیدی بەرپرسی نوسینگەی رفێندراوە ئێزدیەکان لە عێراق وتی: گروپی تیرۆریستی داعش زیاتر لە 1400 زارۆکی ئێزدیی ڕفاندوە و خەریکە بۆ کاری تیرۆریستی ڕایان دێنێ و بە نیازە لەو مناڵانە لە هەڵمەتە تیرۆریستییەکان دا کەڵک وەرگرێ.
بە گوێرەی ڕاپۆرتی کاناڵی سومریە نیوز قائیدی جەختی کرد هەزار و 770 ژن و پیاوی ئێزدی ئێستاش دیلی بەر دەستی داعشن وێڕای ئەوەی کە لە دوو ساڵی ڕابردوو دا دو هەزار و 640 ژن و پیاوی ئێزدی ڕفێندراو لە چنگی داعش رزگاریان بووە.
بەرپرسی نوسینگەی ئێزدیە رفێندراوەکانی عێراق وتیشی: زیاتر لە 400 هەزار ئێزدی لە شنگاڵ و بەعشیقە ئاوارەن و لە کەمپەکانیش دا گرفتی زۆریان هەیە و هەندێکیان تووشی نەخۆشیی دەروونی و جەستەیی هاتوون.
سایتی سەحەر تی ڤی