كيسه‌ چا هه‌رزانه‌كان زياني هه‌يه‌

ژماره‌يه‌ك له‌توێژه‌راني سه‌ر به‌زانكۆي (دێربي) بريتاني رايانگه‌ياندوه‌ كه‌خواردنه‌وه‌ي چا له‌و جۆرانه‌ي كه‌هه‌رزانن راسته‌ بڕێك پاره‌ت بۆ ده‌گێرێته‌وه‌ به‌ڵام له‌به‌رامبه‌ردا توشي چه‌ندين نه‌خۆشيت ده‌كات.

ئه‌م زانيارييانه‌ش له‌سه‌ر بنه‌ماي توێژينه‌وه‌يه‌كي نوێ دانراوه‌ كه‌ژماره‌يه‌ك له‌زاناياني ئه‌و زانكۆيانه‌ كردوويانه‌ و رايانگه‌ياندوه‌ كه‌ئه‌و كيسانه‌ رێژه‌يه‌كي زۆر به‌رزي ماده‌ي (فلۆريد)ي تێدايه‌ كه‌زيان به‌ددان و ئێسك و ماسولكه‌كان ده‌گه‌يه‌نێت.

 ئه‌و تيمه‌ رايانگه‌ياندوه‌ كه‌ماده‌ي فلۆريد يه‌كێكه‌ له‌بنه‌ما سه‌ره‌كييه‌كاني ته‌ندروستي ئێسك، به‌ڵام ئه‌گه‌ر رۆژانه‌ (4 ميليگرام)ي لێ به‌ده‌ست بهێنيت ده‌بێته‌ هۆي ئازار و گرفت له‌ماسولكه‌كان و جومگه‌كاندا، هاوكات له‌سه‌ر ئاستي درێژخايه‌نيش مرۆڤ توشي چه‌ندين نه‌خۆشي ده‌كات له‌ددانه‌كانيدا.

باخچه