خواردني‌ شيرني‌

پسپۆڕاني‌ خۆراك‌و ته‌ندروستي‌ له‌لێكۆڵينه‌وه‌يه‌كي‌ نوێدا جه‌ختيانكرده‌وه‌ له‌وه‌ي‌ خواردني‌ شيريني‌ له‌شه‌واندا بۆ ته‌ندروستي‌ مرۆڤ به‌زيانتر‌و مه‌ترسيدارتره‌، چونكه‌ شێوازي‌ هه‌رسكردني‌ ئه‌و ماده‌ خۆراكيانه‌ي‌ ده‌چنه‌ گه‌ده‌وه‌ له‌شه‌و‌ و ڕۆژدا جياوازه‌.

به‌گوێره‌ي‌ هه‌واڵێكي‌ تبیانی کوردی  لێكۆڵينه‌وه‌كان نيشانيانداوه‌ جه‌سته‌ي‌ مرۆڤ له‌شه‌واندا زياتر ماده‌ خۆراكيه‌كان ده‌گۆڕن بۆ چه‌وري‌ له‌كاتێكدا ئه‌و ماده‌ خۆراكيانه‌ي‌ له‌ڕۆژدا ده‌خورێن زياتر هه‌رس ده‌بن‌و ده‌سوتێن، زۆر به‌كه‌ميش زه‌خيره‌ ده‌بن.

كارناساني‌ ته‌ندروستي‌ له‌لێكۆڵينه‌وه‌كاني‌ ئه‌مدواييه‌دا ئاشكرايانكرد، تواناي‌ مشكه‌كان بۆ كۆنترۆڵكردني‌ ڕێژه‌ي‌ شه‌كري‌ له‌شيان له‌كاتژمێره‌كاني‌ شه‌و‌و ڕۆژدا جياوزاييه‌كي‌ زۆري‌ تێدا به‌ديده‌كرێت، ئه‌و ئه‌نجامه‌ش نيشانده‌ري‌ ئه‌و ڕاستيه‌يه‌ كه‌ ده‌ڵێت،"كارمه‌نداني‌ شه‌فتي‌ شه‌و زياتر له‌به‌رده‌م مه‌ترسي‌ توشبوون به‌شه‌كره‌‌و قه‌ڵه‌ويدان".

لێكۆڵه‌ره‌وان ئاماژه‌ به‌وه‌شده‌كه‌ن، زۆر خواردني‌ شيرني‌ به‌هه‌ر شێوه‌يه‌ك بێت زيانبه‌خشه‌، به‌ڵام كاريگه‌رييه‌ خراپه‌كاني‌ له‌سه‌ر جه‌سته‌ له‌شه‌واندا زياتره‌.

سايتي‌ ئيسنا