سووريا.. ئيبراهيمي داخواز ژ ئۆپۆزسيۆن و رەژيمێ دکە ل نيۆيۆرکێ کۆم ببن 

ئەخزەر ئيبراهيمي نوونەرێن هەڤبەشێ ناڤدەولەتي بۆ سووريا داخواز ژ ئۆپۆزسيۆن و رەژيما بەشار ئەسەد کر کو ل ئاڤاهييا نەتەوەيێن هەڤگرتي ل نيۆيۆرکێ دەست ب دانوستانێ بکن.

ئيبراهيمي ئيرۆ د کۆنگرەکە رۆژنامەڤانيێ دە ل قاهيرە بانگ ل ئۆپۆزسيۆن و رەژيما سووريا کر کو وەک گاڤا دەستپێکێ يا ديالۆگێ ل نيۆيۆرکێ کۆم ببن.

ناڤهاتي ئەشکرە کر کو رەژيما ئەسەد ئامادەيە ديالۆگێ بکە ژ بۆ گەهشتن ب چارەسەرييەکە ئاشتيانە يا ئالۆزييا سووريا و هەڤدەم دگەل ڤێ يەکێ سوپايێ رەژيمێ ناڤچەيێن ل چەند پارێزگەهێن سووريا ب گراني بۆردومانکرن و لگۆري کۆميتەيێن هەمانگييا ناڤخوە د ئەنجاما بۆردومانێ دە بێتري شێست کەسي هاتن کوشتن کو پرانييا وان ل شاما پايتەخت و ناڤچەيێن دەردۆرا وێ بوون.

هەر د ڤێ دەربارێ دە ئاژانسا ئاکي يا ئيتالي ژ زارێ چەند ژێدەرێن سوپايێ ئازاد ڤەگوهەستييە کو سەد و بيست و پێنج هەزار شەرڤانێن وان ل ناڤچەيێن دەردۆرا شامێ هەنە.

ژێدەران ئەشکرە کر کو ب تەنێ ل باژارێ دووما نێزيکي پێنجي هەزار شەرڤانێن سوپايێ ئازاد هەنە.

تەلەفزيۆني زاگرۆس