• صارفین کی تعداد :
  • 2282
  • 4/29/2008
  • تاريخ :

اگر کج رَو ہیں انجم، آسماں تیرا ہے یا میرا؟ 

مزار شاعر مشرق

اگر کج رَو ہیں انجم، آسماں تیرا ہے یا میرا؟

مجھے فکرِ جہاں کیوں ہو، جہاں تیرا ہے یا میرا؟

 

اگر ہنگامہ ہائے شوق سے ہے لا مکاں خالی

خطا کس کی ہے یا رب! لامکاں تیرا ہے یا میرا؟

 

اسے صبحِ ازل انکار کی جرأت ہوئی کیونکر

مجھے معلوم کیا! وہ رازداں تیرا ہے یا میرا؟

 

محمد بھی ترا جبریل بھی، قرآن بھی تیرا

مگر یہ حرفِ شیریں ترجماں تیرا ہے یا میرا؟

 

اسی کوکب کی تابانی سے ہے تیرا جہاں روشن

زوال آدمِ خاکی زیاں تیرا ہے یا میرا؟

شاعر مشرق علامہ محمد اقبال