متعلقه تحریریں
  • صارفین کی تعداد :
  • 2142
  • 6/18/2008
  • تاريخ :

کل پرسش احوال جو کی یار نے میرے

احمد فراز

 

کل پرسش احوال جو کی یار نے میرے
کس رشک سے دیکھا مجھے غم خوار نے میرے

 

بس ایک ترا نام چھپانے کی غرض سے

کس کس کو پکارا دلِ بیمار نے میرے

 

یا گرمئی بازار تھی یا خوف زباں تھا

پھر بیچ دیا مجھ کو خریدار نے میرے

 

ویرانی میں بڑھ کر تھے بیاباں سے تو پھر کیوں

شرمندہ کیا ہے در و دیوار نے میرے

 

جب شاعری پردہ ہے فراز اپنے جنوں کا

پھر کیوں مجھے رسوا کیا اشعار نے میرے

 

شاعر کا نام   :      احمد ‌فراز                

پیشکش  :  شعبہ تحریرو پیشکش تبیان