Derdmend-i mücrimem, dermana geldim yâ Resûlallâh
Sâilem, muhtacinem, ihsâna geldim yâ Resûlallâh
Nâr-ı hasret câna geçti, cân atıp câna sana
Aşk ile didârını seyrâna geldim yâ Resûlallâh
Ka'be-yi vaslın yolunda, baş açık yalın ayak
Sa'yedip düştüm garip divâna geldim yâ Resûlallâh
Arzu ettim ben seni, mahrûm gönderme beni
Dahi nem var, canımı kurbâna geldim yâ Resûlallâh
Etme "Mahvî" bendeni red, ey şefâat menbaı
Sen gibi ihsânı çok sultâna geldim yâ Resûlallâh
Mahvî
