• ڕەش
  • سپی
  • سه وز
  • شین
  • سوور
  • پرتەقاڵی
  • مۆر
  • زێڕین
  • ژماره‌ی بینینه‌کان :
  • 463
  • یەكشەممه 25/11/1394
  • رۆژژمێر :

شێوازی خۆراکی وەرزشکاران

  خۆراکی وەرزشکاران

لێرەدا بەسەرنجدان لە ژەمە خۆراکی ڕۆژانەی وەرزشکاران دەتوانین ژەمە خواردنێکی تەندروست بۆ خۆمان دەستەبەر بکەین.

لە چاوپێکەوتنێکی مێسیدا و قسە کردنی لەسەر ژەمە خۆراکی ڕۆژانەی وەرزشکاران دەتوانین بەرنامەی خۆراکیی ئەوان بزانین.

هەندێک یاسا لە خۆراکی وەرزشکاراندا بریتییە لە : شەکری سپی قەدەغەیە، ئاردی سپی قەدەغەیە، کەمکردنەوەی ڕێژەی (بیبەر، باینجان، تەماتە) ، خواردنی دانەوێڵە وەک برنجی بۆر.

وەرزشکاران زۆر کەم ساردەمەنی و شیرینی دەخۆن، زیاتر ساردەمەنییەک دەخۆن کە لەمیوەیەکی تایبەت و سوودبەخش ئامادەکرابێت وەک ئاگۆکادۆ.

لەسەدا ٨٠ ی خواردنی وەرزشکاران و مێسی سەوزەمەنییە

وەرزشکاران بەشێوەیەکی گشتی زیاتر ئەو ژەمانە دەخۆن کە دەوڵەمەندن بەسەوزەمەنی، سەوزەمەنییەکان ماددەی خۆراکیی گرنگییان تێدایە کە مرۆڤ لە نەخۆشییەکان دەپارێزن و دەبنە بەرگرییەکی بەهێز بۆلەش.

سەوزەمەنییەکان دەوڵەمەندن بە ماددەی خۆراکیی وەک ڤیتامین A و C ، ترشی فۆلیک، پۆتاسیۆم، هەروەها چەوریی و کالۆرییان کەمە، ئەم سەوزانە بەچەندین شێوە دەتوانن ڕۆڵیان هەبێت لەهاوسەنگی کێش، دابەزینی پەستانی خوێن، بەرگری لەش بەرامبەر نەخۆشییەکانی دڵ، ڕێگری لە نەخۆشی شەکرە و شێرپەنجە.

لەسەدا ٢٠ ی خواردنی وەرزشکاران و مێسی پڕۆتینە

ڕێژەی ١٠% بۆ ٣٥% ی خواردنی ڕۆژانەی وەرزشکاران لە پڕۆتین پێک دێت، هەڵبەت ئەم ڕێژەیە بە پێی ڕاهێنانی وەرزشی وەرزشکاران دەگۆڕێت، بە شێوەیەکی گشتی پڕۆتین بۆ خانمانی دووگیان و ئەو کەسانەی ماسولکەکانیان لە دۆخی گەشەکردندایە ڕێژەیەکی زیاتر پێویستە.

گۆشتی مریشک، ماسی سەلەمون ڕێژەیەکی زۆر پڕۆتینیان تێدایە و ژەمە خۆراکێکی سەرەکی مێسی و وەرزشکارانی ترە، بەشێکی تر لە خواردنەکانیان بریتییە لە دانەوێڵە و چەرەسات لەگەڵ خواردنی ڕێژەیەکی کەم لە گۆشتی سوور.