• ڕەش
  • سپی
  • سه وز
  • شین
  • سوور
  • پرتەقاڵی
  • مۆر
  • زێڕین
  • ژماره‌ی بینینه‌کان :
  • 401
  • چوار شەممه 13/10/1391
  • رۆژژمێر :

راستکردنه‌وه‌ي ددان

راستکردنه‌وه‌ي ددان: ئه‌و به‌شه‌يه‌ له‌ زانستي پزيشکي ددان که‌ لێکۆڵينه‌وه‌ ده‌کات له‌ گه‌شه‌ي ئێسکى ددانه‌کان و ئه‌و گير و گرفتانه‌ي توشي ددانه‌کان ده‌بێت و چاره‌سه‌رکردني ئه‌و گرفتانه‌ له‌ بابه‌تي شوێن و ريزبوون و جوتبون له‌گه‌ڵ يه‌کتردا به‌شێوه‌يه‌کي زانستي.

له‌ڕووي ده‌رونييه‌وه‌ خواري ددانه‌کان کاريگه‌ري هه‌يه‌ له‌سه‌ر که‌سێتي مرۆڤه‌که‌ و په‌يوه‌ندي کۆمه‌ڵايه‌تي، له‌به‌ر ئه‌وه‌ راستکردنه‌وه‌ي دانه‌کان نه‌خۆشه‌که‌ له‌ گرفتي ده‌رووني رزگار ده‌کات و واي لێده‌کات په‌يوه‌ندييه‌ کۆمه‌ڵايه‌تييه‌کاني ئاسايي ببێته‌وه‌.

هۆکاره‌کاني ناڕێکي ددان: 

به‌شێوه‌يه‌کي گشتي هۆکاره‌کان بريتين له‌:

1/ هۆکاري بۆماوه‌يي له‌ خێزاندا

2/ هۆکاري تر: وه‌ک که‌وتن يان کێشاني يان کلۆربوني دداني شيري له‌ منداڵدا و زوو چاره‌سه‌رنه‌کردني ئه‌و به‌شه‌ کلۆريه‌ي که‌ ده‌فه‌وتێت دانه‌کاني ته‌نيشتي ده‌جوڵێت و شوێني ده‌گرێته‌وه‌ ئه‌مه‌ش کێشه‌ بۆ دانه‌ هه‌ميشه‌ييه‌کان دروست ده‌کات

3/ که‌وتنه‌ خواره‌وه‌

4/ رووداوي هاتووچۆ

5/ شکاني ئێسکي به‌رده‌مي گوێچکه‌کان به‌تايبه‌ت له‌ منداڵدا

خۆپاراستن:

1/ نه‌هێشتني مژيني په‌نجه‌ له‌ منداڵدا

2/ راهێنان له‌سه‌ر شێوه‌ي تف قوتدان

جۆري ئامێره‌کاني راستکردنه‌وه‌ي ددان:

1/ ئامێري جێگير

2/ ئامێري ناجێگير (جوڵاو)

3/ ئامێري تايبه‌ت به‌ گۆڕيني گه‌شه‌ي ئێسکي ده‌موچاو

سوده‌کاني:

1/ له‌ڕووي ده‌رونييه‌وه‌ خواري ددانه‌کان کاريگه‌ري هه‌يه‌ له‌سه‌ر که‌سێتي مرۆڤه‌که‌ و په‌يوه‌ندي کۆمه‌ڵايه‌تي، له‌به‌ر ئه‌وه‌ راستکردنه‌وه‌ي دانه‌کان نه‌خۆشه‌که‌ له‌ گرفتي ده‌رووني رزگار ده‌کات و واي لێده‌کات په‌يوه‌ندييه‌ کۆمه‌ڵايه‌تييه‌کاني ئاسايي ببێته‌وه‌

2/ له‌ حاڵه‌تي ناڕێکيدا زۆرجار ددانه‌کان ناتوانن ئيشي خۆيان بکه‌ن وه‌ک: (بچڕين و هاڕيني خواردن و دروستکردني به‌شێک له‌ ده‌نگه‌کان)، له‌ به‌رئه‌وه‌ به‌ راستکردنه‌وه‌ي ددانه‌کان نه‌خۆشه‌که‌ له‌م گرفتانه‌ رزگاري ده‌بێت. 

3/ خواري ددانه‌کان واده‌کات که‌ به‌ باشي پاک نه‌بنه‌وه‌، بۆيه‌ راستکردنه‌وه‌ي ده‌بێته‌ هۆي خاوێني زياتري ددانه‌کان.

زيانه‌کاني: به‌گشتي هه‌موو ئامێرێک زياني خۆي هه‌يه‌ وه‌ک:

1/ داخوراني ره‌گي ددانه‌کان.

2/ کلۆربوني ددانه‌کان زياد له‌ باري ئاسايي.

3/ هه‌وکردني پوک يان لێو له‌ کاتي ئيشکردن له‌ دانه‌کاندا يان به‌ هۆي ئه‌و وايه‌ر و پارچانه‌ي ده‌کرێت به‌ ئامێره‌که‌وه‌.

پێويسته‌ داناني هه‌رجۆرێک له‌و ئامێرانه‌ له‌ لايه‌ن پزيشکي پسپۆڕه‌وه‌ ئه‌نجام بدرێت و پزيشک ئيهمالي نه‌کات له‌ کاره‌که‌يدا و پێويسته‌ نه‌خۆشه‌که‌ گرنگي به‌ پاک و خاوێني ددانه‌کاني بدات و ئامێره‌که‌ش بپارێزێت و پابه‌ندبێت به‌ کاته‌کاني سه‌ردانکردن و رێنماييه‌کاني پزيشک، ئه‌گه‌ر په‌يڕه‌وي ئه‌م رێنماييانه‌ نه‌کرێت بێگومان زيانه‌کاني زۆرتر ده‌بێت له‌ سوده‌کاني. 

 

سەرچاوه:مالەپەري چەتر پرێس