• صارفین کی تعداد :
  • 2733
  • 6/28/2009
  • تاريخ :

اسلامي ادب كي ترويج ميں اقبال كا كردار(حصّہ هشتم)

علامہ محمد اقبال

اقبال عربي شاعري ميں جس صداقت، مردانگي اور حقيقت كے ساته شدت سے وابسته هونے كي تعريف كرتے هيں، خود ان كي اپني  شاعري ان خصوصيات سے متصف هے. عربي شاعري ميں صداقت كي جو تڑپ اور جو حوصله نظر آتا هے وهي اقبال كا منشور ٹهرتا هے :

هو صدافت كے ليے جس دل ميں مرنے كي تڑپ
پهلے اپنے پيكر خاكي ميں جاں  پيدا كرے

عربي شعري جان كے اسي جوهر كي عظيم سرمايه دار رهي هے.

اقبال جهاں ايك طرف مسلم اقوام كو شاعري كے جوهر اصلي سے آگاه كركے ان ميں حرارت اور عمل كي قوت پيدا كرتےهيں ملت اسلاميه كے افراد كو بهي ترغيب ديتے هيں كه وه اپني خودي كي تعمير كريں اور ان اسلامي علوم و السنه سے اپنے آپ كو ليس كريں جن سے زندگي صحيح معني ميں بامراد  اور معني خيز بنتي هے. 1937 ء کے  ايك خط ميں استشراق كے عيارانه طريق كار كا ذكر كرتے هوئے محمد افضل الرحمن انصاري كے نام لكهتے هيں:

"مصر جائيے. عربي زبان ميں مهارت پيدا كيجيے. اسلامي علوم، اسلام كي ديني اور سياسي تاريخ، تصوف، فقه، تفسير كا بغور مطالعه كركے محمد عربي-ص- كي اصل روح تك پهنچنے كي كوشش كيجيے." (1)

اقبال نے اپني شهره آفاق نظم" ذوق و شوق" ميں اپنے بارے ميں دو ٹوك انداز ميں كها تها:

ميں كه مري غزل هے آتش رفته كا سراغ
ميري تمام سرگذشت كهوئے هوؤں كي جستجو

اقبال نے اس آتش رفته كو جو صديوں  كي گرد ميں گم هوگئي تهي  دوباره شعله جواله بنانے كي كوشش كي اور اس كوشش  ميں اپنے بے مثال شعري سرمايے سے چقماق كا كام ليا. ميرے نزديك وه اسلامي ادب كي سب سے توانا آواز تهے--------- روح كي گهرائيوں  اور وجود كي تهوں  ميں نفوذ كر جانے اور شعور كا ابدي حصه بن جانے والي آواز. اسلام اور اسلامي ادب ان كے نزديك لازوال صداقتيں تهے اور وه اپنوں اور پرايوں كو ان صداقتيں كي قدر و قيمت سے دلائل و براهين كے ساته آگاه كرتے رهے. 1931ء ميں نكلسن كے نام اپنے خط ميں اپني مشهور مثنوي اسرار خودي كے محركات پر بحث كرتے هيں:

" انسانيت كا نصب العين شعر اور فلسفه ميں هميشه هوتا هے ليكن اگر اسے مؤثر نصب العين بنانا اور عملي زندگي ميں بروئے كار لانا چاهيں تو آپ شاعروں اور فلسفيں  كو اپنا مخاطب اولين نهيں ٹهرائيں گے اور ايك ايسي مخصوص سوسائٹي تك اپنا دائره مخاطب محدود كرديں گے جو ايك مستقل عقيده اور معين راه عمل ركهتي هو ليكن اپنے عملي نمونے اور ترغيب و تبليغ سے هميشه اپنا داوره وسيع كرتي جلي جائے. ميرے نزديك اس قسم كي سوسائٹي اسلام هے."

" اسلام هميشه رنگ و نسل كے عقيدے كا و انسانيت كے نصب العين  كي راه ميں  سب سے بڑا سنگ گران رها هے، رينان كا يه خيال غلط هے كه سائنس اسلام كا سب سے بڑا دشمن هے.(2) در اصل اسلام بلكه كائنات انسانيت كا سب سے بڑا دشمن رنگ و نسل كا عقيده هے اور جو لوگ نوع انساني سے محبت ركهتے هيں، ان كا فرض هے كه ابليس كي اس خوفناك اختراع كے خلاف علم جهاد بلند كريں . (3)

1.  اقبال نامه جلد اول، ص 399.

2. يهي بات ذرا تفضيل تفضيل سے اقبال نے اپنے اس معركه آرا خطبے ميں بهي كهي جو "The Muslim community"  كے نام سے معروف هے. ملاحظه هو اس كا اردو ترجمه : ملت بيضا پر ايك عمراني نظر" مشموله " قومي زندگي اور علت بيضا پر ايك عمراني نظر" ص 73-74.

3. اقبال نامه جلد اول ص 467-468- يه اقتباس كم وبيش اقبال نامه هي سے هے مگر ميں نے اصل انگريزي متن كو سامنے ركه كر اس ميں كچه تصرفات كيے هيں جس كے نتيجے ميں اب يه صحت متن سے زياده قريب هو گيا هے.

                                                                                                                                                      جاری هے

                                                                           

ڈاکٹر تحسین فراقی

شعبۂ تحریر و پیشکش تبیان


متعلقہ تحریریں:

اسلامي ادب كي ترويج ميں اقبال كا كردار (حصّہ چهارم)

اسلامي ادب كي ترويج ميں اقبال كا كردار (حصّہ سوّم )