• صارفین کی تعداد :
  • 1926
  • 3/22/2009
  • تاريخ :

شہر میں ‌چاک گریباں ہوئے ناپید اب کے

ناراض شهر

شہر میں‌چاک گریباں ہوئے ناپید اب کے
کوئی کرتا ہی نہیں ضبط کی تاکید اب کے

 

لطف کر، اے نگہِ یار ، کہ غم والوں‌ نے

حسرتِ دل کی اُٹھائی نہیں‌تمہید اب کے

 

چاند دیکھا تری آنکھوں میں ، نہ ہونٹوں پہ شفق

ملتی جلتی ہے شبِ غم سے تری دید اب کے

 

دل دکھا ہے نہ وہ پہلا سا، نہ جاں تڑپی ہے

ہم ہی غافل تھے کہ آئی ہی نہیں عید اب کے

 

پھر سے بجھ جائیں گی شمعیں‌جو ہوا تیز چلی

لا کے رکھو سر محفل کوئی خورشید اب کے

 

شاعر کا نام : فیض احمد فیض

پیشکش : شعبۂ تحریر و پیشکش تبیان