• صارفین کی تعداد :
  • 1721
  • 11/10/2008
  • تاريخ :

گرفتہ دل ہیں بہت آج تیرے دیوانے  

رونے والا آدمی

گرفتہ دل ہیں بہت آج تیرے دیوانے
خدا کرے کوئی تیرے سوا نہ پہچانے

 

مٹی مٹی سی امیدیں تھکے تھکے سے خیال

بجھے بجھے سے نگاہوں میں غم کے افسانے

 

ہزار شکر کہ ہم نے زباں سے کچھ نہ کہا

یہ اور بات کہ پوچھا نہ اہلِ دنیا نے

 

بقدرِ تشنہ لبی پرسشِ وفا نہ ہوئی

چھلک کے رہ گۓ تیری نظر کے پیمانے

 

خیال آ گیا مایوس رہ گزاروں کا

پلٹ کے آ گۓ منزل سے تیرے دیوانے

 

کہاں ہے تو کہ ترے انتطار میں اے دوست

تمام رات سلگتے ہیں دل کے ویرانے

 

امیدِ پرسشِ غم کس سے کیجیے ناصر

جو اپنے دل پہ گزرتی ہے کوئی کیا جانے 

 

شاعر کا نام : ناصر کاظمی


متعلقہ تحریریں:

مایوس نہ ہو اداس راہی

 کیا دن مجھے عشق نے دکھاۓ

 رونقیں تھیں جہاں میں کیا کیا کچھ

 حاصلِ عشق ترا حُسنِ پشیماں ہی سہی