• صارفین کی تعداد :
  • 4170
  • 9/30/2008
  • تاريخ :

گپ شپ

صوفی تبسم

بلی کو سمجھانے آئے
چوہے کئی ہزار

 

بلی نے اک بات نہ مانی

روۓ زار و زار

 

سنو گپ شپ ، سنو گپ شپ

ناؤ میں ندی ڈوب چلی

 

ہاتھی کو چیونٹی نے پیٹا

مینڈک شور مچائے

 

اونٹ نے آ کر ڈھول بجایا

مچھلی گانا گائے

 

سنو گپ شپ ، سنو گپ شپ

ناؤ میں ندی ڈوب چلی

 

آدھی رات کو چاند اور سورج

بادل کے گھر آئے

 

بجلی نے دروازہ کھولا

دونوں ہی گھبرائے

 

سنو گپ شپ ، سنو گپ شپ

ناو میں ندی ڈوب چلی

 

شیر اور بکری مل کر بیٹھے

گھوڑا گھاس نہ کھائے

 

تینوں اپنی ضد کے پکے

کون کسے سمجھائے

 

سنو گپ شپ ، سنو گپ شپ

ناؤ میں ندی ڈوب چلی

 

صوفی تبسم


متعلقہ تحریریں:

 ہماری زبان – ترانہ 

 خدا کي تعريف