معصوم چھاردھم

 

روزجمعہ

ترجمہ

سلام ہو آپ پر اے اللہ کی حجت زمین میں سلام ہوآپ پراے نمائندہ خدا مخلوق کے درمیان سلام ہو آپ پر اے اللہ کے نور جس سے ہدایت والے ہدایت پاتے ہیں اور اس کے ذریعہ سے مومنین کو کشادخی حاصل ہوگی،  سلام ہو آپ پر اے  پاکیزہ اور خوف رکھنے والے سلام ہو آپ پر اے اللہ کے ولی اور نصیحت کرنے والے سلام ہو آپ پر اے کشتی نجات، سلام ہو آپ پر اے سرچشمہ زندگی، سلام ہو آپ پر اللہ کا درود ہو آپ پر اور آپ کے اہل بیت طیبین وطاہرین پر۔ سلام ہو آپ پر خداوند عالم جلدی کرے سلطنت کے ظہور اور نصرت میں جس کاوعدہ کیا ہے سلام ہو آپ پر اے میرے مولا میں آپ کا دوست ہوں میں آپ کے اول و آخر (پیغمبر (ص) سے امام زمانہ (ع) تک ) کا پہچاننے والا ہوں میں آپ کے ذریعہ اور آپ کے اہلبیت (ع) کے ذریعہ اللہ سے قریب ہوتا ہوں اور آپ کے ظہور اور آپ کے ذریعہ سلطنت حق کے ظہور کا انتظار کرتا ہوں اور اللہ سے سوال کرتا ہوں کہ وہ درود بھیجے محمد وآل محمد (ص) پر اور مجھے آپ کے انتظار کرنے والوں کے تابعین اور آپ کے دشمنوں کے مقابلہ میں ناصر قرار دے اور آپ کے ان دوستوں میں جو شہادت کے فیض سے فیضیاب ہوئی قرار دے اے میرے مولا اے صاحب الزماں اللہ کا درود ہو آپ پر اور آپ کے اہلبیت طاہرین(ع) پر یہ جمعہ کا دن جو آپ کا دن ہے جس میں آپ کے ظہور کی توقع کی جاتی  ہے اور جس میں مومنوں کے لئے آپ کے ہاتھوں  پر کامیابی  ہے اور کافروں کا قتل ہوگا آپ کی تلوار سے اور میں اے میرے مولا اس میں آپ کا مہمان  ہوں اور آپ  کی  پناہ میں ہوں اور اے میرے مولا آپ کریم ہیں اور کریم کی اولاد میں ہیں اور مہمان نوازی اور پناہ کے لئے مامور ہیں تو مجھے اپنی مہمانی اور پناہ میں لے لیجئے اللہ کا درود ہو آپ  پر اور آپ کے اہلبیت طاہرین (ع)  پر۔

میں آپ کے پاس اترتا ہوں جہاں بھی میری سواری متوجہ ہو اور میں آپ کا مہمان ہوں  چا ہے جس شہر میں بھی ہوں ۔