واجب اور مستحب نمازيں

واجب نمازيں چھ  ہيں 

(1)يوميہ نمازيں

(2) نماز آيات

(3) نماز ميت

(4) خانۂ  کعبہ کے واجب طواف کي نماز

(5)باپ کي قضا نمازيں جو بڑے بيٹے پر واجب  ہيں  ۔

(6) جو نمازيں اجارہ، منّت، قسم اور عھد سے واجب ہو جاتي  ہيں  اور نماز جمعہ جو کہ روزانہ نمازوں ميں سے  ہے 

مستحب نمازيں

 مستحب نمازيں بہت سي  ہيں  جنہيں   نفل کہتے  ہيں  اور مستحب نمازوں ميں سے روزانہ کے نفلوں کي بہت زيادہ تاکيد کي گئي  ہے  ۔ يہ نمازيں روز جمعہ کے علاوہ چونتيس رکعت  ہيں جن ميں سے آٹھ رکعت ظھر کي، آٹھ رکعت عصر کي ، چار رکعت مغرب کي، دو رکعت عشاء کي ، گيارہ رکعت نماز شب ( يعني تھجد ) کي اور دو رکعت صبح کي ہوتي ہيں  اور چونکہ احتياط واجب کي بناء پر عشاء کي دو رکعت نفل بيٹھ کر پڑھني ضروري  ہيں  اس لئے وہ ايک رکعت شمار ہوتي  ہے  ليکن جمعہ کے دن ظھر اور عصر کي سولہ رکعت نفل پر چار رکعت کا اضافہ ہوجاتا  ہے  اور بہتر  ہے  کہ يہ پوري بيس رکعتيں زوال سے پہلے پڑھي جائيں ۔

*    نماز شب کي گيارہ رکعتوں ميں سے آٹہ رکعتيں نافلۂ  شب کي نيت سے اور دو رکعت نماز شفع کي نيت سے اور ايک رکعت نماز وتر کي نيت سے پڑھني ضروري  ہے  اور نافلۂ  شب کا مکمل طريقہ دعا وٴں کي کتابوں ميں مذکور  ہے  ۔

*    ظھر اور عصر کي نفلي نمازيں سفر ميں  نہيں   پڑھني چاھئيں اور اگر عشا کي نفليں رجا کي نيت سے پڑھي جائيں تو کوئي حرج  نہيں    ہے