بۆچی هەندێک لە منداڵان بەیانیان دەڕشێنەوە؟
هەندێک لە منداڵان بەیانیان یان لە کاتەکانی تردا تووشی ڕشانەوە دەبن و ئەم حاڵەتەش چەند هۆکارێکی هەیە.
بەشێک لە هۆکارەکانی ڕشانەوەی منداڵان بریتین لە دڵەڕاوکێ، نەخۆشییەکانی کۆئەندامی هەرس و گەڕانەوەی خۆراک بۆ ناو گەدە.
هەروەها ئەو منداڵانەی بە هەندێک ماددەی خۆراکی هەستیاریی (حساسیت) یان هەیە، بە هۆی ئەو ماددە خۆراکییانەوە تووشی ڕشانەوە دەبن.
دڵەڕاوكێ یەکێکە لەو هۆکارانەی ڕشانەوەی منداڵان و قوتابیان لە بەیانیاندا، هەروەها نەبوونی کاتی پێویست بۆ خواردنی نانی بەیانی هۆکارێکی تری ئەم حاڵەتەیە.
هەروەها بەشێک لە کرمەکانی وەک ژیاردیا کە لە سەرەتای ڕیخۆڵە باریکەدا هەن، دەبنە هۆی ڕشانەوە و بۆنی ناخۆشی دەم لە منداڵاندا.
جگە لەو هۆکارانەش هەندێک نەخۆشی بۆماوەیی و نەخۆشییەکانی گورچیلە هۆکارن بۆ ڕشانەوەی منداڵان.
سایتی کانالی ئین ئار تی
