كه منداڵه‌كه‌ت وتی "ده‌ترسم" تۆ چی ده‌كه‌یت؟
دایك و باوكان له كاتی ترسی منداڵه‌كانیاندا له تاریكی و جێهێشتنیان به ته‌نیایی توشی دڵه‌ڕاوكێ ده‌بن، له كاتێكدا ئه‌و ترسه هێمایه‌كی باشه و ئه‌وه ده‌رده‌خات كه منداڵه‌كه‌تان گه‌شه‌ی كردووه‌و قۆناغێكی باشی له ژیاندا بڕیوه.
زۆرترین هۆكاری ترسی منداڵ له ته‌نیایی و تاریكیه، هه‌ربۆیه باشتره كاتێك منداڵ به‌ته‌نها له ژوری خۆیدا جێده‌هێڵیت، ڕوناكیه‌كی كه‌م له ژوره‌كه‌یدا هه‌بێت و له‌وه‌ش دڵنیای بكه‌یته‌وه كه تۆ نزیكیت لێیه‌وه‌و هه‌ركات ئه‌و پێویستی بێت تۆ دێیت بۆ لای.
جگه له‌وه‌ی ده‌توانیت ده‌رگای ژوره‌كه‌ی دانه‌خه‌یت و كه‌مێك به‌كراوه‌یی بیهێڵیته‌وه، كه ئه‌وه‌ش هه‌ستێكی ئارامتر به منداڵه‌كه ده‌به‌خشێت.
زۆر گرنگیشه له‌و ته‌مه‌نه‌دا كه منداڵ ده‌ترسێت، رێگه‌ی نه‌ده‌یت ته‌ماشای فیلمی ترسانك بكات، چونكه ئه‌و زۆربه‌ی كات دیمه‌نه‌كانی فیلمه‌كه له شه‌واندا ده‌هێنێته‌وه به‌ر چاوی خۆی.
تۆڕی میدیایی خەڵک
