کراچي: خوفناک بم دھماکہ، اعليٰ پوليس افسر مارے گئے

کراچي کے علاقے عيسيٰ نگري ميں ايک خود کش حملے ميں ايس ايس پي سي آئي ڈي چوہدري اسلم ساتھيوں سميت مارے گئے- ہمارے نمائندے کے مطابق چوہدري اسلم کے کانوائے کو اس وقت نشانہ بنايا گيا جب وہ کراچي کے علاقے عيسيٰ نگري کے قبرستان کے پاس سے گذر رہے تھے- سي آئي ڈي کراچي کے ايڈيشنل آئي جي اقبال محمود نے بھي چوہدري اسلم کي ہلاکت کي تصديق کر دي ہے- تفصيلات کے مطابق آج کراچي کے علاقے عيسيٰ نگري ميں ايک خطرناک بم دھماکے کي خبر موصول ہوئي اور علاقے پر دھويں کے بادل چھا گئے- جس کے بعد پوليس اور مقامي اخبارات نے اس دھماکے ميں لياري آپريشن کے مرکزي کردار اور ايس ايس پي سي آئي ڈي چوہدري اسلم کے مارے جانے کي اطلاع دي ہے- چوہدري اسلم آج صبح منگھوپير کے علاقے ميں دہشتگرد تحريک طالبان گروہ کے خلاف آپريشن کے بعد پريس کانفرنس سے واپس آ رہے تھے- واضح رہے کہ اس آپريشن ميں تحريک طالبان پاکستان کے تين دہشتگرد مارے گئے اور پوليس نے اس آپريشن ميں بھاري مقدار ميں اسلحہ و بارود بر آمد کر ليا- چوہدري اسلم نے اپني زندگي کي آخري پريس کانفرنس ميں آپريشن کي تفصيلات بتاتے ہوئے ميڈيا کو بتايا تھا کہ يہ دہشتگرد آٹھ محرم کے جلوس عزا پر حملوں کي تياري کر رہے تھے-

متعلقہ تحریریں:

پاکستان، نيٹو سپلائي ميں رکاوٹ

حکومت پاکستان، طالبان کے ساتھ رابطہ منقطع