اسلامي انقلاب  کي تاريخ ميں عشرہ فجر کي اہميت  

ايران کے اسلامي انقلاب کو انساني تاريخ ميں بہت ہي اہم مقام  حاصل ہے -  اسلامي انقلاب سے قبل ايران ميں ايک  آمر کي حکومت تھي جس نے مغربي ممالک اور  امريکہ کي ايماء  پر  ايراني عوام کو  اپنے ظلم کا نشانہ بنا رکھا تھا اور  ايران کے باسيوں کو  وہ حقوق حاصل نہيں تھے جو  ہر آزاد فرد کا حق ہوتا ہے  - اس وقت کا آمر  اغيار کا پٹھو تھا اور کيپچوليشن قانون کے تحت ايران کے بہادر اور غيور عوام کي حميت و وقار کا سودا کرنا چاہتا تھا ليکن حضرت امام خميني رح  نے ايراني عوام کو اس سازش سے آگاہ کيا اور اپني ايمان افروز تعليمات کے ذريعے عوام کے اندر ايسي اسلامي بيداري پيدا کي کہ جس کے نتيجے ميں نہ صرف شاہ ايران اس ملک کے عوام  کي حميت و وقار کا سودا نہ کرسکا بلکہ اسے اپني حکمراني سے بھي ہاتھ دھونا پڑے- اور ايران ميں ايک آمرانہ حکومت  کي بجائے ايک اسلامي جمہوري حکومت کا قيام عمل ميں آيا-

اسلامي انقلاب  کي صورت ميں يہاں کي عوام کو شاہ حکومت کے ظلم سے چھٹکارا حاصل ہوا -   اسلامي جمہوريہ ايران ميں  اسلامي انقلاب کي  کاميابي کے بعد سماجي ، مذھبي ، ثقافتي ،سائنسي اور معاشرتي لحاظ سے ترقي کا  آغاز ہوا -   اسلامي انقلاب کي کاميابي کے ليۓ ايراني  عوام نے بہت تکاليف برداشت کيں اور   سخت سے سخت مراحل ميں بھي  انہوں نے اپني جدوجہد کو جاري رکھا -  22 بھمن يعني 11 فروري  کا دن ايراني تاريخ ميں ايک  منفرد اور باوقار دن بن گيا ہے  - يہي وہ دن ہے جب سن 1979  ء ميں ايران کے باسيوں کو ان کي جدوجہد کا ثمر اسلامي انقلاب کي کاميابي کي  صورت ميں حاصل ہوا  - حضرت امام خميني رح کي قيادت ميں ايراني عوام کا اسلامي انقلاب کاميابي سے ہمکنار ہوا تھا-

ايک لمبي جدوجہد کے بعد  ايراني کي عوام نے  کاميابي کے قدم چومے اور اس کاميابي کے اثرات موجودہ دور ميں  خطے کے ممالک اور بالخصوص عرب ممالک ميں ديکھے جا سکتے ہيں جہاں  پر اسلامي بيداري کي لہر دوڑ چکي ہے اور  ان ممالک کے عوام نے  آمر حکومتوں کے خلاف  آواز بلند کر دي ہے -  انشاءاللہ وہ دن دور نہيں جب ان ممالک ميں بھي  کاميابياں حاصل ہونگي اور ان ممالک کي عوام بھي  پرامن اور باوقار ماحول ميں سکون کا سانس لے گي -

متعلقہ تحریریں:

سعودي عرب ميں  آمر حکومت