• صارفین کی تعداد :
  • 2718
  • 11/7/2012
  • تاريخ :

سورہ آل عمران کے خواص

سورہ آل عمران

جو شخص يہ سورہ مبارکہ جمعہ کے روز تلاوت کرے اس پر خدا اور فرشتے تا غروب آفتاب صلواة بھيجتے ہيں اور قاري سورہ آل عمران کو بعد ہر آيت کے جسر جہنم سے خدائے تعالي برائت عطا فرماتا ہے- اور قيامت ميں سورہ بقرہ اور سورہ آل عمران دو بادلوں کي طرح اپنے قاري کے سر پر سايہ کريں گے- اور اگر اسے کاغذ پر لکھيں اور پاک پاني سے دھو کر زن حاملہ کو پلائيں تو وضع حمل آساني ہوگي- اور اگر يہ سورہ لکھ کر کوئي عورت اپنے گلے ميں ڈالے تو وہ بحکم خدا بہت جلد حاملہ ہوگي-

* اگر کوئي مرد فقير يہ سورہ لکھ کر اپنے پاس رکھتے تو وہ تونگر و توانگر ہو جائے گا- اگر کسي کو کوئي مہم در پيش ہو اور چند آدمي ايک مجلس ميں فراہم ہوکر 41 مرتبہ اس سورہ مبارکہ کي تلاوت کريں اور اول آخر گيارہ گيارہ مرتبہ محمد و آل محمد پر درود بھيجيں اور اثناء قرائت ميں کسي سے بات نہ کريں اور عمل تمام کر کے حصول مطلب کے ليئے دعا کي جائے اور آخر ميں کچھ شيريں نذر حضرت اميرالمومنين عليہ السلام حاضرين جلسہ کو کھلائيں تو انشاء اللہ تعالي مشکل آسان ہوجائے گي-

* سورہ آل عمران کي آيت ايک و دو کو الم سے الفرقان تک اگر کوئي شخص آہو پر لکھ کر اپني انگشتري کے نگينے کے نيچے رکھے تو جب تک وہ انگشتري اس کے ہاتھ ميں رہے گي دشمن اس کو آزار نہ پہنچا سکے گا- اور خلق اللہ ميں معزز و محترم ہو گا-

شعبہ تحرير و پيشکش تبيان


متعلقہ تحريريں:

عوام قرآن سے سبق حاصل کريں