علم محمد ، عدل محمد، پيار محمد
علم محمد ، عدل محمد، پيار محمد
ساري اعليٰ قدروں کا شہکار محمد
ہم اِجمالي کيا جائيں تفصيل ميں اُن کي
کيا دنيا کيا عُقبيٰ سب تحويل ميں اُن کي
وقت کے بيچ محمد ، وقت کے پار محمد
ساري اعليٰ قدروں کا شہکار محمد
سورج چاند ستارے اُن کے زيرِ سايہ
جو اُن تک پہنچا وہ روشنياں لے آيا
بانٹيں کيا کيا چمکيلے کردار محمد
ساري اعليٰ قدروں کا شہکار محمد
بندوں سے کيا ہوں گي تحقيقات خُدا کي
مسجدِ ہستي کا رقبہ ہے ذات خُدا کي
سارے پيمبر محرابيں ، مينار محمد
ساري اعليٰ قدروں کا شہکار محمد
دھُوپ گناہوں کي بھي سايہ دار ہے کتني
ميري درويشي سرمايہ دار ہے کتني
ميرے لب پر آيا لاکھوں بار محمد
ساري اعليٰ قدروں کا شہکار محمد
اپني اپني تہذيبيں سب بھُول چکے ہيں
سب پتھر کے عہد کي جانب لوٹ رہے ہيں
دُنيا کي ہر قوم کو ہيں درکار محمد
ري اعليٰ قدروں کا شہکار محمد
اپني خاص عنايت صَرف بھي فرماتے ہيں
خود اُس کي توسيعِ ظرف فرماتے ہيں
عشق جسے ديتے ہيں بے مقدار محمد
ساري اعليٰ قدروں کا شہکار محمد
کيوں نہ مظفر ميرے پاۆں پڑے خوش بختي
ميري گردن ميں بس اُن کے نام کي تختي
ميري سب خوشياں سارے تہوار محمد
ساري اعليٰ قدروں کا شہکار محمد
مصنف: مظفر وارثي
شعبہ تحرير و پيشکش تبيان
متعلقہ تحريريں:
نماز پيغمبر صلي اللہ عليہ وآلہ وسلم کي آخري وصيت
