مابه فلک ميرويم عزم تماشا کراست
بعض اہل علم حضرات کي رائے ہے کہ ديوان شمس تبريز ي کا جتنا بھي مطالعہ کيا جائے اتنا ہي وہ زيادہ تازگي بخشتا ہے اور لگا تار فيض پہنچانے والا بنتا ہے - انسان کي ملال پذير طبيعت سے کوفت کو دور کرتا ہے اور انسان اس نتيجے پر پہنچتا ہے کہ اس قدر انساني فطرت کي تعبير شايد ہي کسي اور شاعر ميں ہو جس قدر مولانا رومي کے کلام ميں پوشيدہ ہے - جوش عزم ملاحظہ ہو:
مابه فلک ميرويم عزم تماشا کراست
ايک اور شعر ديکھيے:
بشاخ زندگي ما نمي زتشنہ لبي است
تلاش چشمہ حيوان دليل کم طلبي است
علامہ اقبال کے ہاں بھي تخيل ميں يہي زور اور بيان ميں يہي جوش ہے- خود کہتے ہيں:
مطرب، غزلي، بيتي از مرشد روم آور
تاغوطہ زند جانم در آتش تبريزي
مولانا رومي کے کلام سے ايسا محسوس ہوتا ہے کہ کوئي عاشق اپنے معشوق کي تعريف کر رہا ہے ليکن اس ميں جنسي کشش معدوم ہے- يہ جو دعوي کيا جاتا ہے کہ ساري محبت جنسي کشش پر مبني ہے يہاں اس کے برعکس جنس اور بدن قطعي طو ر پر ختم ہو جاتا ہے - عشق اصلاً اور طبعاً ذہني اور روحاني اتصال کانام بن جاتا ہے - اس مقام کا ترفع اس حد تک ہے کہ جنس بالکل خارج از بحث ہو جائے اور کشش محض روحاني رہ جائے - اس مقام پر مولانا کي کئي غزليں ہيں- کہتے ہيں:
دوئي را چون برون کردم دو عالم را يکي ديدم
يکي بينم ، يکي جويم ، يکي دانم،يکي خوانم
الا اي شمس تبريزي چنان مستم درين عالم
کہ جز مستي و سرمستي دگر چيزي نميدانم
***
رسيد مژدہ بشامست شمس تبريزي
چہ صبحہا کہ نمايد اگر بشام بود
***
جز شمس تبريزي مگو جز نصر و پيروزي مگو
جز عشق و دلسوزي مگو جز اين مدان اقرار من
جس طرح نظام شمسي جذب باہمي پر قائم و دائم ہے اسي طرح انسان بھي جذب معاني سے زندہ ہيں- اس جذب باہمي کي اعليٰ ترين صورت وہ رابطہ ہے جو بندے اور خدا کے درميان ہے - خدا کي طرف سے يہ جذب ربوبيت کي شکل ميں اور بندے کي جانب سے محبت کے روپ ميں رونما ہوتا ہے - گويا خدا کے ساتھ بندے کا رابطہ محبت کا ہے اورخدا کا بندے سے عبوديت کا ہے اور يہي اصلي تصوف ہے- اللہ ہر کسي کو رزق ديتا ہے اس کا بندہ ، سمجھ ميں آئے يا نہ آئے اس کے احکام کي پابندي کرتا ہے - پھر جب مولانا رومي کي طرح شمس تبريز کے توسط سے شخصيت کي تکميل ہوتي ہے تو يہ صورت بن جاتي ہے :
بخدا خبر ندارم چون نماز مي گزارم
کہ تمام شد رکوعي کہ امام شد فلاني
مابه فلک ميرويم عزم تماشا کراست
تحرير : ڈاکٹر انعام الحق کوثر
پيشکش: شعبہ تحرير و پبشکش تبيان
متعلقہ تحریریں:
انقلاب کے بعد ادبي ترجمہ کے حوالے سے ترقي ( حصّہ سوّم )
