ايران کے اسلامي انقلاب کے خلاف ہر سازش ناکامي ہو گي (4)

يہ امام خميني رہ کي کرشمہ ساز شخصيت ہي تھي کہ جس نے نہ صرف ايران کے عوام کے حقوق کي جنگ لڑي، بلکہ عالمي سطح پر رونما ہونے والي سياسي تبديليوں کي بھي پيشين گوئياں کيں، جو ان کي رحلت کے بعد بدرجہ اتم پوري ہوتي چلي گئيں - يہ امام خميني رہ کي ہي پيش گوئي تھي کہ سوويت يونين بہت جلد پارہ پارہ ہو جائے گا اور دنيا نے ديکھا کہ خود کو سپر پاور سمجھنے والا ملک جب ٹوٹنے پر آيا تو چھوٹي چھوٹي رياستوں ميں بکھرتا چلا گيا - يہ بصيرت، دانائي اور عملي مجاہد ہونے کي صفت امام خميني رہ کو اہل بيت اطہار عليہم اسلام سے عشق اور ان کي تعليمات پر آنکھيں بند کر کے کاربند رہنے کي بدولت حاصل ہوئي، خصوصاً امام خميني رہ نے ظالم کے خلاف قيام کرنے اور حق کے ليے اپنا تن من دھن قربان کرنا نواسۂ رسول حضرت امام حسين ع سے سيکھا اور اسے عملي زندگي ميں استعمال کرتے ہوئے ايک ايسي تاريخي رياست کي بنياد رکھي، جو آج ان کي وفات کے بعد بھي امريکہ اور اسکے ہواريوں کو کھٹک رہي ہے -

امام خميني رہ کي زندگي ہم تمام مسلمانوں کے ليے سر چشمہ ہدايت ہے کہ محمد و آل محمد ص سے سچا عشق دنياوي طاقتوں سے ڈر اور خوف کو مفقود کر ديتا ہے - يہي وہ حقيقي اور آفاقي تعلق ہے جو آخرت تک انسان کي فلاح کا ضامن ہے - اسي عشق حقيقي نے امام خميني رہ کي شخصيت کو استعمار کے ليے شديد ترين خطرہ بنا ديا تھا اور استعماري طاقتوں نے آپ کے مقابلے کے ليے ہر حربہ سرائي کو استعمال کيا مگر انھيں محمد و آل محمد ص کے اس سچے عاشق کے سامنے ہر ميدان ميں گھٹنے ٹيکنے پڑے -

متعلقہ تحريريں:

مغربي لبرل کے انقلابوں ميں آزادي و عدالت