عاشورا کے سياسي و سماجي آثار و برکات 4
سيدالشہداء عليہ السلام کي تحريک اور نہايت قوي انقلاب بقائے دين کا موجب بنا اور اپنے اور آپ (ع) نے اپنے خاندان و اصحاب کے خون سے گلستان دين کي آبياري کي اور گلستان شريعت کے شجر کو سبز و خرم کرديا- اگر حسين عليہ السلام کي مقدس تحريک نہ ہوتي اسلام کا نام و نشان تک نہ رہتا اور محمدي اسلام کي بجائے اموي اسلام اور دين خدا کي جگہ دين يزيد کے سوا کچھ بھي روئے زمين پر باقي نہ رہتا اور آج شايد اگر دين اسلام ہوتا بھي تو وہ بعض ديگر تحريف شدہ اديان کي مانند ايک نمائشي دين کے سوا کچھ بھي نہ ہوتا-
عبدالرزاق مقرم "مقتل امام حسين عليہ السلام" ميں لکھتے ہيں: "امام حسين عليہ السلام کي تحريک دين مبين کے اصولوں کے استحکام کي علت تامّہ کا آخري اور کامل کردينے والا جزء تھي حتي کہ اس تحريک نے باطل کے يلغار اور دعوت حق ميں فرق اور جدائي کا انتظام کا اور حق و باطل کو الگ الگ کرديا- اسي بنا پر کہا گيا ہے کہ: دين کا آغاز محمد صلي اللہ عليہ و آلہ و سلم کے وجود مقدس نے کيا اور اس کي بقاء و دوام کي ضمانت امام حسين عليہ السلام نے فراہم کردي- "الاسلام نبوي الحدوث و حسيني البقاء"- اور علامہ اميني نے سني منابع کے حوالے سے يہ جملہ يوں نقل کيا ہے: "إنَّ دين الاسلام كما أنه محمدي الحدوث فهو حسيني البقاء"- بے شک دين اسلام جس طرح کہ رسول اللہ (ص) کے ہاتھوں معرض وجود ميں آيا اسي طرح اامام حسين عليہ السلام کے ہاتھوں اس کي بقاء ممکن ہوئي-(2)
مآخذ:
2- نقل از كتاب <زندگانى حضرت ابى عبدالله الحسين > ابوالقاسم سحاب، ص 22- الغدير علامہ اميني ج3 ص246- أن دين الاسلام كما أنه محمدي الحدوث فهو حسيني البقاء-
تحرير : ف ح مهدوي
پيشکش : شعبۂ تحرير و پيشکش تبيان
متعلقہ تحريريں:
سيدالشہداء کے لئے گريہ و بکاء کے آثار و برکات 14
