مضمون نگاري

کسي متعين موضوع  پر اپنے خيالات اور جذبات کا تحريري اظہار مضمون ہے- مضمون کے لۓ موضوع کي کوئي قيد نہيں- اردو ميں  سر سيد نے  مضمون نويسي کا با قاعدہ آغاز کيا- رسالے تہذيب الاخلاق نے مضمون نويسي کي ترويج و ترقي ميں اہم کردار ادا کيا- سر سيد نے اپنے مضامين کے ذريعہ سادہ نويسي کي روايت قائم کي- اور مولوي چراغ علي، محسن الملک، نذير احمد، حالي اور شبلي کي خدمات سے فائدہ اٹھايا اور اس بات کو ذہنوں سے دور کيا  کہ اردو زبان ميں سنجيدہ مضامين بيان کرنے کي اہليت نہيں ہے- سر سيد نے زندگي کے مختلف پہلوؤ ں پر علمي اور ادبي مضامين تحرير کۓ- تحقيقي اور تنقيدي مضامين کے ساتھ ساتھ سائنس، معيشت و معاشرت، تہذيب و تمدن مو موضوع بنا کر بھي مضامين لکھے گۓ- بيسويں صدي کے ربع اول ميں جن مضمون نگاروں کے نام ملتے ہيں در اصل وہ انيسويں کے ربع آخر کے مضمون نگار ہيں- مضامين عمراني، جمالياتي، تاثراتي، تقابلي، نفسياتي، سوانحي، تشريحي، تاريخي اور تحقيقي موضوعات پر مشتمل ہيں- انہي مضمون نگاروں کي کاووش کا نتيجہ ہے کہ آج مغربي علوم و فنون کو اردو ميں منتقل کيا گيا ہے- ان مضمون نگاروں نے اردو کا دامن بے حد وسيع کيا چنانچہ سائنس سميٹ بہت سے علوم کي اصطلاحات و تراکيب اردو ميں منتقل ہو چکي ہيں-

ان کا اصل موضوع ادبي تنقيد يا تحقيق تھا- مضمون نگاري ميں سب سے اہم کردار رسالوں نے کيا- چنانچہ "مخزن" ، "آجکل" ، "نگار"، "ساقي"، "نيرنگ خيال"، "ادبي دنيا" ، اور "شہباز" کے صفحات پر جو مضامين شايع ہوئے وہ آج اردو کا عظيم نثري سرمايہ ہے- خاص طور پر سر عبدالقادر کا رسالہ "مخزن"- سر عبدالقادر ايک تحريک کا آغاز کيا جسے ہم سر سيد تحريک کي مقصديت اور افاديت کے خلاف تھي- عبدالقادر کے بيشتر مضامين ادبي اور تخليقي ہيں-

تقسيم کے بعد سيد علي عابد، وحيد قريشي، عبادت بريلوي، وزير آغا، سيد عبداللہ، سيد وقار عظيم، کليم الدين احمد، احسن فاروقي، فرمان فتحپوري، خواجہ محمد ذکريا، سليم اختر نے ادبي مسائل پر مضامين لکھے - مضمون نگار خواتين ميں سے ميمونہ انصاري، رفيعہ سلطانہ اور حبيب النساء تحقيقي مقالات کلھے-

کتابيات:

اردو ادب بيسويں صدي ميں

اصناف ادب/ رفيع الدين ہاشمي

پيشکش : شعبۂ تحرير و پيشکش تبيان