• صارفین کی تعداد :
  • 634
  • 3/17/2012
  • تاريخ :

شام کے ليے انسان دوستانہ امداد روانہ

امیر عبداللہیان

اسلامي جمہوريہ ايران کے نائب وزير خارجہ حسين اميرعبداللہيان نے ايران کي جانب سے ملت شام کي حمايت پر تاکيد کرتے ہوئے کہا ہے کہ شام کي قوم کے لئے تہران سے ا نسان دوستانہ امداد دمشق بھيجنے کا سلسلہ شروع کر ديا گيا ہے- انہوں نے کہا کہ يہ امداد فضائي راستے سے بھيجي جا رہي ہے-

ابنا: امير عبداللہيان نے کہا کہ شام کے لئے ايران کي ہلال احمر سوسائٹي کا ايک طيارہ دوائيں ليے کر دمشق پہنچ چکا ہے - انہوں نے کہا کہ يہ دوائيں شام کي ملت کے حوالي کي جائيں گي جو کہ سامراج کي پابنديوں کا شکار بن چکي ہے-

اسلامي جمہوريہ ايران کے نائب وزير خارجہ نے شام کي حکومت اور ملت کے خلاف دوغلي پاليسيوں کي مذمت کرتے ہوئے صيہوني حکومت کے مقابل شام کي قوم کي استقامت کو سراہا- انہوں نے ايران کي جانب سے ملت شام کي ہمہ گير حمايت پر تاکيد کرتے ہوئے کہا کہ ہميں اطمينان ہے کہ شام، صدر بشار اسد کي اصلاحات کے زير سايہ بيروني مسلح مداخلت کا کاميابي سے مقابلہ کرے گا اور استقامت کے سہارے امن و استحکام اور ترقي کي راہ طے کر لے گا-