کنار راوی

سکوت شام میں محو سرود ہے راوی

نہ پوچھ مجھ سے جو ہے کیفیت مرے دل کی

پیام سجدے کا یہ زیر و بم ہوا مجھ iiکو

جہاں تمام سواد حرم ہوا مجھ iiکو

سر کنارۂ آب رواں کھڑا ہوں میں

خبر نہیں مجھے لیکن کہاں کھڑا ہوں iiمیں

شراب سرخ سے رنگیں ہوا ہے دامن شام

لیے ہے پیر فلک دست رعشہ دار میں iiجام

عدم کو قافلۂ روز تیز گام چلا

شفق نہیں ہے ، یہ سورج کے پھول ہیں iiگویا

کھڑے ہیں دور وہ عظمت فزائے تنہائی

منار خواب گہ شہسوار iiچغتائی

فسانۂ ستم انقلاب ہے یہ محل

کوئی زمان سلف کی کتاب ہے یہ iiمحل

مقام کیا ہے سرود خموش ہے iiگویا

شجر ، یہ انجمن بے خروش ہے گویا

رواں ہے سینۂ دریا پہ اک سفینۂ iiتیز

ہوا ہے موج سے ملاح جس کا گرم ستیز

سبک روی میں ہے مثل نگاہ یہ کشتی

نکل کے حلقۂ حد نظر سے دور گئی

جہاز زندگی آدمی رواں ہے iiیونہی

ابد کے بحر میں پیدا یونہی ، نہاں ہے iiیونہی

شکست سے یہ کبھی آشنا نہیں iiہوتا

نظر سے چھپتا ہے لیکن فنا نہیں

شاعر کا نام : علامہ محمد اقبال ( iqbal )

کتاب کا نام : بانگ درا ( bang e dara )

پیشکش : شعبۂ تحریر و پیشکش تبیان

متعلقہ تحریریں:

داغ