اقبال کے کلام میں کربلا
شہادت حسین کی نئی معنویت کی طرف سب سے پہلے اقبال کی نظر گئی‘ اور اس کا پہلا بھرپور تخلیقی اظہار اقبال کے فارسی کلام میں ملتا ہے۔ اقبال کی اردو شاعری کی مثالیں بہت بعد کی ہیں۔ بال جبریل ۱۹۳۵ء میں شائع ہوئی۔ رموز بے خودی البتہ ۱۹۱۸ء میں منظر عام پر آچکی تھی۔ اس میں ”درمعنی حریت اسلامیہ و سر حادثہ کربلا“ کے عنوان سے جو اشعار ہیں‘ یقینا ان کو اس نئے معنیاتی رجحان کا پیش خیمہ کہا جاسکتا ہے۔ یہ بات بھی بعید ازقیاس نہیں کہ خود مولانا محمد علی جوہر اس معاملے میں اقبال سے متاثر رہے ہوں‘ کیوں اقبال کے فارسی کلام کی مثالیں تو یقینا مولانا کی زندگی کی ہیں مولانا کا انتقال ۱۹۳۱ء میں ہوا اور اس میں شک نہیں کہ اقبال کا اثر نہایت ہمہ گیر اور وسیع تھا۔ رموز بے خودی میں ”درمعنی حریت اسلامیہ و سر حادثہ کربلا“ سے متعلق اشعار رکن دوم میں آئے ہیں‘ جہاں شروع کا حصہ رسالت محمدیہ اور تشکیل و تاسیس حریت و مساوات و اخوت بنی نوع آدم کے بارے میں ہے۔ اس کے بعد اخوت اسلامیہ کا حصہ ہے‘ پھر مساوات کا اور ان کے بعد حریت اسلامیہ کے معنی میں سر حادثہ کربلا بیان کیا ہے۔ اس حصے میں شروع کے کچھ اشعار عقل و عشق کے ضمن میں ہیں اس کے بعد اقبال جب اصل موضوع پر آتے ہیں تو صاف اندازہ ہوتا ہے کہ وہ کردار حسین کو کس نئی روشنی میں دیکھ رہے ہیں اور کن پہلوؤں پر زور دینا چاہتے ہیں۔ حسین کے کردار میں انہیں عشق کا وہ تصور نظر آتا ہے جو ان کی شاعری کا مرکزی نقطہ تھا۔ اور اس میں انہیں حریت کا وہ شعلہ بھی ملتا ہے جس کی تب و تاب سے وہ ملت کی شیرازہ بندی کرنا چاہتے تھے۔ اور نئے نو آبادیاتی تناظر میں ہم وطنوں کو جس کی یاد دلانا چاہتے ہیں۔
درمعنی حریت اسلامیہ و سرحادثہ کربلا
| ہر کہ پیماں باہو الموجود بست |
| گردنش ازبند ہر معبود رست |
| عشق را آرام جاں حریت است |
| ناقہ اش راسارباں حریت است |
| آں شنیدستی کہ ہنگام نبرد |
| عشق باعقل ہوس پرور چہ کرد |
| آں اماں عاشقاں پور بتول |
| سرو آزادے زبستان رسول |
| اللہ اللہ بائے بسم اللہ پدر |
| معنی ذبح عظیم آمد پسر |
| بہرآں شہزادہ خیر الملل |
| دوش ختم المرسلین نعم الجمل |
| سرخ روعشق غیور ازخون او |
| شوخی ایں مصرع ازمضمون او |
| درمیان امت آں کیواں جناب |
| ہمچو حرف قل ھواللہ درکتاب |
| موسیٰ و فرعون و شبیر و یزید |
| ایں دو قوت از حیات آیدپدید |
| زندہ حق ازقوت شبیری است |
| باطل آخر داغ حسرت میری است |
| چوں خلافت رشتہ از قرآں گسیخت |
| حریت را زہر اندر کام ریخت |
| خاست آں سر جلوہ خیر الامم |
| چوں سحاب قبلہ باراں درقدم |
| بر زمین کربلا بارید و رفت |
| لالہ در ویرانہ ہاکارید و رفت |
| تا قیامت قطع استبداد کرد |
| موج خون او چمن ایجاد کرد |
| بہر حق در خاک و خوں غلطیدہ است |
| پس بنائے لاالہ گردیدہ است |
| مدعایش سلطنت بودے اگر |
| خود نکردے باچنپن ساماں سفر |
| دشمنان چوں ریگ صحرا لاتعد |
| دوستان او بہ یزداں ہم عدد |
| سر ابراہیم و اسماعیل بود |
| یعنی آں اجمال را تفصیل بود |
| عزم اوچوں کوہساراں استوار |
| پائدار و تند سیر و کامگار |
| تیغ بہر عزت دین است و بس |
| مقصد او حفظ آئین است و بس |
| ماسواللہ را مسلماں بندہ نیست |
| پیش فرعونے سرش افگندہ نیست |
| خون او تفسیر ایں اسرار کرد |
| ملت خوابیدہ را بیدار کرد |
| تیغ لاچوں ازمیاں بیروں کشید |
| از رگ ارباب باطل خوں کشید |
| نقش الا اللہ بر صحرا نوشت |
| سطر عنوان نجات ما نوشت |
| رمز قرآں از حسین آموختیم |
| ز آتش او شعلہ ہا اندوختیم |
| شوکت شام و فر بغداد رفت |
| سطوت غرناطہ ہم از یاد رفت |
| تارما از زخمہ اش لرزاں ہنوز |
| تازہ از تکبیر اد او ایماں ہنوز |
| اے صبا اے پیک دور افتادگاں |
| اشک ما بر خاک پاک او ساں |
رموز بیخودی ہی میں ”درمعنی ایں کہ سیدة النسا فاطمتہ الزہرا اسوہ کاملہ ایست برائے نساء اسلام“ کے ذیل میں بھی حسین کا ذکر آیا ہے۔
| درنوائے زندگی سوز ازحسین |
| اہل حق حریت آموز ازحسین |
| سیرت فرزندہا از امہات |
| جوہر صدق و صفا از امہات |
| مزرع تسلیم را حاصل بتول |
| مادراں را اسوہ کامل بتول |
اس کے فوراً بعد ”خطاب بہ مخدرات اسلام“ میں یہ حوالہ پھر آیا ہے۔
| فطرت تو جذبہ ہا دار بلند |
| چشم ہوش از اسوہ زہر مبند |
| تاحسینے شاخ تو بار آورد |
| موسم پیشیں بہ گلزار آورد |
پھر یہ حوالہ زبور عجم ۱۹۶۷ء کی ایک غزل کے اس زبردست شعر میں ملتا ہے۔
| ریگ عراق منتظر کشتِ حجاز تشنہ کام |
| خونِ حسین باز دہ کوفہ و شام خویش را |
ریگ عراق منتظر ہے‘ کشت حجاز تشنہ کام ہے‘ اپنے کوفہ و شام کو خونِ حسین پھردے‘ اس میں حال کا صیغہ اور کوفہ و شام خویش نئی فکر کے غماز ہیں‘ یعنی پھر وہی تشنگی کا منظر ہے اور موجودہ حالات میں تمہارے کوفہ و شام کو خون حسین کی پھر ضرورت ہے۔ یہ تھی وہ تڑپ اور آگ جو اقبال کو بار بار اس حوالے کی طرف لے آتی تھی۔
متعلقہ تحریریں:
ڈاکٹر محمد باقر
مولوی اسما عیل میرٹھی
جوش ملیح آبادی کی یاد میں
اردو کا منفرد شاعر یاس یگانہ چنگیزی
سید عابد علی عابد
فراق گورکھپوری کے نواسے بھی شاعری کرتے ہیں
حکیم الامت علامہ اقبال (رح) مرد عمل تھے
ڈپٹی نذیر احمد
پطرس بخاری بحیثیت مزاح نگار
اردو کے مشہور ڈرامہ نگار اور شاعر آغا محمد شاہ کا انتقال
