اسلامک یونیورسٹی غزہ

اسلامک یونیورسٹی غزہ  ایک آزاد تعلیمی ادارہ ہے  جو فلسطینی ریاست میں واقع ہے ۔ یہاں پر مختلف شعبوں میں تحقیق اور تدریس کے  مناسب مواقع فراہم کیۓ  گۓ ہیں ۔ یہ ادارہ چار  ایسوسی ایشنز کا رکن بھی ہے ۔ ان کے نام درج ذیل ہیں ۔

1۔  انٹرنیشنل ایسوسی ایشن آف یونیورسٹیز

2۔ کمیونٹی آف میڈٹیرانیین  یونیورسٹیز

3۔ ایسوسی ایشن آف عرب یونیورسٹیز

4۔ ایسوسی ایشن آف اسلامک یونیورسیٹیز

یہ ادارہ فلسطینی معاشرے  میں پروفیشنل معیار اور اصولوں کا حامل ایک اچھا تعلیمی اور ثقافتی ادارہ بننے کی پوری کوشش کر رہا ہے ۔ اس ادارے کی یہ بھرپور کوشش ہے کہ غزہ کی پٹی میں رہنے والے طالب علموں کا تعلیمی معیار ایک حد تک بلند کیا جاۓ ۔ یہاں پر طالب علموں کو سائنسی میدان میں تحقیق کرنے کی ترغیب دی جاتی ہے تاکہ وہ جدید علوم سے آراستہ ہوں ۔ یہ ادارہ فلسطینی معاشرے کی تعمیر وترقی میں بھرپور شرکت کر رہا ہے ۔  یہاں پر طالب علموں کی خداداد صلاحیتوں کو اجاگر کرنے کے لیۓ  بھرپور کوشش کی جاتی ہے ۔ اس ادارے کو بیرونی ممالک کی یونیورسٹیوں سے بھی متصل  کیا  گیا ہے تاکہ اس نزدیکی تعاون سے  مقامی طالب علم آ‎سانی سے دنیا کی جدید یونیورسٹیوں میں  ہونے والی جدید تحقیق سے آگاہ رہیں اور ان کے طرز  تدریس و تحقیق سے مستفید  ہوتے رہیں ۔

مزید معلومات کے لیۓ براۓ مہربانی یونیورسٹی کی ویب سائٹ سے رجوع کریں ۔

اسلامک یونیورسٹی غزہ کی ویب سائٹ : https://www.iugaza.edu.ps

تحریر :  سید اسداللہ ارسلان