• صارفین کی تعداد :
  • 14137
  • 7/28/2009
  • تاريخ :

پہیلی۔۱

سوالیہ نشان

پہیلی۔۱

 

دیکھا ہم نے ایک پرندہ
کچھ پیلا کچھ سبز اور لال
پیٹ میں اس کے ایک ہی ہڈی
کھال کے نیچے اس کے بال
خون ہے اس کا میٹھا میٹھا
کڑوی کڑوی اس کی کھال

پہیلی۔۲

 

دیکھا ایک نیا حیوان
دبلا پتلا اور بے جان
پیٹھ کے اندر اس کے دم
دو پاوں ہیں اور چھ سم
یونہی اس کا نام نہ بول
پہلے میری بات کو تول

پہیلی۔۳

 

کال کلوٹا ، کال کلوٹا
چھوٹا چھوٹا موٹا موٹا
چکنا چکنا گیلا گیلا
اندر سے کچھ پیلا پیلا
ہری ہری سی اس کی چوٹی
ہلکی ہلکی ، چھوٹی چھوٹی
چیریں اور پکائیں اس کو
لوگ مزے سے کھائیں اس کو

پہیلی۔۴

 

اک پری ہے رنگ رنگیلی سی
کچھ سبز سی ہے کچھ نیلی سی
کچھ لال سی ہے کچھ پیلی سی
بارش میں نہا کر آتی ہے
آتی ہے رنگ جماتی ہے
پھر پل بھر میں چھپ جاتی ہے
بوجھو تو اس کا نام ہے کیا
دنیا میں اس کا کام ہے کیا

 

جوابات :

پہیلی۔۱ : (آم)

پہیلی۔۲ : (ترازو)

پہیلی۔۳ : (بینگن)

پہیلی۔۴ : (قوس قزح)

شاعر کا  نام : صوفی غلام مصطفی  تبسم

پیشکش : شعبۂ تحریر و پیشکش تبیان


متعلقہ تحریریں :

پہیلیاں ( 91 تا 100 )

پہیلیاں ( 81 تا 90 )