بازار مشیر
یہ ایک اھم جگہ ھے جو شیراز کے بازار وکیل کے جنوبی حصّہ کی طرف واقع ھے ۔ یہ قاجاری دور کے آثاروں میں سے ایک ھے ۔ اس کو 1282 ھ ق میں " ميرزا ابوالحسن خان مشيرالملك'' نے بنایا اور اس کی آمدنی ''حضرت سيدالشهدا'' کے لۓ وقف کر دی گئ ۔ یہ ایک بہت بڑے بازار پر مشتمل ھے جو شمال سے جنوب تک پھیلا ھوا ھے اور اس کا جنوبی دروازہ " اردو بازار" سے جا ملتا ھے ۔ یہ بازار وکیل سے چھوٹا ھے مگر طرز معماری ایک ھی ھے ۔ بازار کے شمالي و جنوبي حصّوں کو چار بڑے اور خوبصورت بازار آپس میں ملاتے ہیں جن کی چھتیں گنبد مانند ہیں ۔ چھتوں کے اوپر باد گیر نصب ہیں ۔ چاروں طرف داخلی دروازے لکڑی کے بنے ھوے ہیں ۔ ''اردو بازار'' کی طرف کھلنے والے دروازے کو ٹائلوں سے خوبصورت انداز میں سجایا گیا ھے ۔ اس کے دالان چھوٹے ، فرش پتھر کا اور ''عرق چيني'' سے ڈھکا ہوا ھے ۔ بازار مشير کو ٹائلوں سے خوبصورت انداز میں بنایا گیا ھے اور اس کی چھت ضرب دار ھے ۔
"سراي مشير" يا "سراي گلشن" بازارمشير کے شمالی حصّے میں واقع ھے اور ان دونوں کو درگاه و دالاني
آپس میں ملاتی ھے ۔ اس طرف کے دروازے پر بھی كاشي كاري و مقرنس كاري کی گئ ھے ۔ دروازے کے اوپر اینٹوں سے بناۓ گۓ خوبصورت روشندان ہیں جو باہر سے اندر روشنی آنے کا باعث بنتے ہیں ۔ دروازے پر لوح مرمري نصب ھے کہ جس پر تاريخ ساخت ، بانی کا نام اور کس کے نام وقف ھے ، یہ سب مٹا ھوا ھے۔
سراي مشير کے درمیان میں صحن ھے جس کے درمیان ایک بڑا تالاب اور تالاب کے گرد چار باغیچے ھیں۔
صحن کے گرد حجرے ، بالکونی اور ھال دونوں منزلوں پر واقع ہیں ۔ ہر ایک حجرے کے سامنے چھوٹا صحن ھے ۔ کچھ لکڑی کے دروازے اور حجرہ کا داخلی حصّہ اسی طرح باقی ھے اور کچھ کو دوبارہ مرمّت کر دیا گیا ھے ۔
سرا کے شمالي ضلع کی طرف آٹھ ضلعوں پر مشتمل ایک بڑا ھال ھے جو خوبصورت انداز میں بنایا گیا ھے ۔ اس کی چھت گنبدی شکل کی ھے جس کا نچلا حصّہ ٹائلوں سے بنا ھوا ھے اور اس پر خوبصورت انداز میں نقاشی کی گئی ھے ۔ گنبد کے اوپر باد گیر نصب ہیں جن پر اشعار لکھے ہوۓ ہیں ۔ درمیان میں ایک تالاب ھے جس کے گرد ہاتھ پاؤں دھونے کے لۓ جگہ بنائی گئی ھے ۔ تالاب کے کنارے اور ہاتھ پاؤں دھونے کی جگہ ایک ہی طرح کے پتھر سے بنی ہوئی ھے ۔ ھال کے گرد چار بڑی دکانیں اور چار شاه نشين ہیں جو مثلث
شکل میں ہیں اور ان پر ٹائلوں سے کام کیا گیا ھے ۔ اس حصّہ میں بہت ہی خوبصورت اور نفیس دروازے اور کھڑکیاں ہیں جن کو مرمّت کیا گیا ھے ۔