طالبان نے ریڈ لائن عبور کر لی، اب امن کا فیصلہ میدان جنگ میں کیا جائیگا، اشرف غنی
افغان صدر نے دارالحکومت کابل میں مذہبی عمائدین کیساتھ ملاقات میں کابل میں حالیہ دو بڑے حملوں میں ہونیوالی ہلاکتوں پر گہرے رنج اور افسوس کا بھی اظہار کیا۔ انہوں نے کہا کہ ایسے وحشت ناک حملے کرنیوالے عسکریت پسندوں سے قیام امن کیلئے بات چیت کا دروازہ بند ہوچکا ہے اور اب انہیں نتائج کا سامنا کرنا ہوگا۔
طالبان نے ریڈ لائن عبور کر لی، اب امن کا فیصلہ میدان جنگ میں کیا جائیگا، اشرف غنی
افغانستان کے صدر اشرف غنی نے دارالحکومت کابل میں مذہبی عمائدین کے ساتھ ملاقات میں کہا کہ طالبان نے سرخ لکیر عبور کر لی، اب امن کا فیصلہ یقینی طور پر میدان جنگ میں کیا جائے گا۔ انہوں نے بعض عسکری عناصر کے ساتھ امن مذاکرات کرنے کا عندیہ دیتے ہوئے کہا کہ جب وہ امن کو قبول کر لیں گے تو افغان قوم بھی انہیں قبول کر لے گی۔ اشرف غنی نے کابل میں حالیہ دو بڑے حملوں میں ہونے والی ہلاکتوں پر گہرے رنج اور افسوس کا بھی اظہار کیا۔ انہوں نے کہا کہ ایسے وحشت ناک حملے کرنے والے عسکریت پسندوں سے قیام امن کے لئے بات چیت کا دروازہ بند ہوچکا ہے اور اب انہیں نتائج کا سامنا کرنا ہوگا۔
