کاغذی ہے پیرہن ہر پیکرِ تصویر کا

نقش فریادی ہےکس کی شوخی تحریر کا

کاوکاوِ سخت جانی ہائے تنہائی نہ پوچھ

صبح کرنا شام کا، لانا ہے جوئے شیر کا

جذبۂ بے اختیارِ شوق دیکھا چاہیے

سینۂ شمشیر سے باہر ہے دم شمشیر کا

آگہی دامِ شنیدن جس قدر چاہے بچھائے

مدعا عنقا ہے اپنے عالمِ تقریر کا

بس کہ ہوں غالب، اسیری میں بھی آتش زیِر پا

موئے آتش دیدہ ہے حلقہ مری زنجیر کا

شاعر کا نام : مرزا غالب دہلوی

پیشکش : شعبۂ تحریر و پیشکش تبیان

متعلقہ تحریریں:

اقبال کے کلام میں کربلا