• صارفین کی تعداد :
  • 4509
  • 10/18/2009
  • تاريخ :

کالا ریچھ

کالا ریچھ

ریچھ نچانے والا آیا
ریچھ نچانے والا

 

پاؤں بھی کالے ، ہاتھ بھی کالے

منہ بھی اس کا کالا

 

ریچھ نچانے والا آیا

ریچھ نچانے والا

 

جنگل سے اک ریچھ کا بچہ

لے کر شہر کو آیا

 

گھر میں اس کو ناچ سکھایا

گھر میں اس کو پالا

 

ریچھ نچانے والا آیا

ریچھ نچانے والا

 

منہ پر اس کے پٹی باندھی

ناک میں ڈالی ڈوری

 

پاؤں میں اس کے گھنگرو ڈالے

گلے میں اس کے مالا

 

ریچھ نچانے والا آیا

ریچھ نچانے والا

 

شاعر کا  نام : صوفی غلام مصطفی  تبسم

پیشکش : شعبۂ تحریر و پشکش تبیان


متعلقہ تحریریں:

ٹر ٹر

گڑیا